Jelide Jańaózendegi №5 mektep-gimnaziiasynda dene shynyqtyrý pániniń muǵalimi oqýshylardy uryp jatqany túsirilgen video tarady, - dep habarlaidy Tengrinews.kz agenttigi "Lada" basylymyna silteme jasap.
Videoda muǵalim oqýshynyń shashyn julyp, birneshe ret urǵany, al ekinshi oqýshyny artynan tepkeni kórsetilgen.
Jańaózen qalasy bilim basqarmasy bul derek boiynsha arnaiy komissiia qurylǵanyn jáne mektep-gimnaziianyń tártiptik keńesi otyrysynyń sheshimimen oqýshylarǵa kúsh kórsetken muǵalimniń QR Eńbek kodeksiniń 52-baby boiynsha jumystan bosatylǵanyn habarlady.
Mańǵystaý oblystyq Politsiia departamentiniń baspasóz qyzmeti bul oqiǵa boiynsha Qylmystyq kodekstiń 140-babynyń 2-bóligi "Kámeletke tolmaǵan balany tárbieleý jónindegi mindetterdi oryndamaý nemese tiisinshe oryndamaý" boiynsha sotaldy tergeý bastalǵanyn málimdedi.
Basylym málimetinshe, qamqorlyǵyndaǵylarǵa qol kótergen dene shynyqtyrý pániniń muǵalimi 160 ailyq eseptik kórsetkish kóleminde aiyppul tóleýi nemese 40 táýlikke deiin qamaýǵa alynýy múmkin.
