Turǵyn úi qurylys jinaq banki bazasynda jyl sońyna deiin «Otbasy banki» atty tolyqqandy institýty qurylady, dep habarlaidy "Ult aqparat" atalǵan banktiń baspasóz qyzmetine silteme jasap.
«Turǵyn úi qurylys jinaq banki bazasynda jyl sońyna deiin damý jáne qoldaýdyń «Otbasy banki» atty tolyqqandy institýty qurylady. Ol turǵyn úidi esepke alý, tirkeý jáne bólistirýdi bir ortalyqtan atqaratyn bolady. Qoiylyp otyrǵan mindetti oryndaý úshin qazirgi kezek júiesin ákimdikterden «Otbasy bankke» berý josparlanyp otyr. Óz kezeginde «Otbasy banki» baspanasy joq januialar úshin «bir tereze» qaǵidaty boiynsha qyzmet usynatyn bolady», – dep atap ótti Turǵyn úi qurylys jinaq banki basqarma tóraiymy Lázzat Ibragimova.
Turǵyn úi qoljetimdiligi satysy belsendi túrde arttyrylady.
Kúnkóris minimýmynan (KM) tómen tabys tabatyn otbasylar úshin satyp alý quqyǵynsyz úidi jalǵa alý múmkindigi usynylady.
2 KM-ǵa deiin tabysqa ie baspanasyz otbasylar (kópbalaly, tolyq emes jáne múmkindigi shekteýli balalardy asyrap otyrǵan otbasylar) «Baqytty Otbasy» baǵdarlamasyna, al 3,1 KM-ǵa deiin tabysqa ie baspanasyz otbasylar «5-10-20» pilot jobasyna qatysa alady.
