Foto: Blogerlerdiń jeke arhivinen
Astanada bloger Erbolat Janábilov pen Elmira Tólegenovaǵa qatysty sot protsesi jalǵasýda. Memlekettik aiyptaýshy Oljas Hairýllaev aiyptalýshylarǵa jaza merzimin belgileýdi surady, dep habarlaidy Ult.kz.
Prokýror Erbolat Janábilovke 2 jyl bas bostandyǵynan aiyrý jazasyn taǵaiyndaýdy usyndy. Sonymen qatar Qylmystyq kodekstiń 55-babyn qoldana otyryp, túpkilikti jazany 2 jyl shartty túrde óteý jáne múlkin tárkileý túrinde belgileýdi surady.
Al Elmira Tólegenovaǵa 2 jylǵa bas bostandyǵynan aiyrý jazasyn eń tómen qaýipsizdik deńgeiindegi mekemede óteý usynyldy. Buǵan qosa, jaza merzimin eki jylǵa keiinge qaldyrý kózdelip otyr.
Tergeý derekterine sáikes, aiyptalýshylar litsenziiasyz kásipkerlikpen ainalysyp, asa iri kólemde tabys tapqan. Sondai-aq olarǵa qylmystyq jolmen alynǵan qarajatty zańdastyrý baby boiynsha aiyp taǵylǵan.
Eger sot prokýror usynysyn qoldasa, Erbolat Janábilov probatsiialyq baqylaýǵa alynyp, birqatar shekteýlerdi saqtaýǵa mindetteledi.
