Foto: visit-crimea.com
Jańa jyldy jarqyn áserlermen bastaýdyń tamasha tásili – teńiz jaǵasynda qarsy alý. Jańa jyldy jyly jerde, teńizdiń jaǵasynda qarsy alǵandy qup kóretinderiń sany kúnnen kúnge artyp keledi. «Týristik Qamqor» korporativtik qorynyń málimetinshe, 1 qańtardan 1 jeltoqsanǵa deiin Qazaqstannan shetelge 1 002 802 týrist ketken. Al ótken 2023 jyly bul kórsetkish 794 194 adam bolǵan. Degenmen bul sandar tek týrfirmalar arqyly paket týrlaryn tańdaǵan týristerdi qamtitynyn eskerýimiz kerek.
Jańa jylǵa da jaqyn qaldy. Osy oraida Ult.kz tilshisi «Qysta teńizge qaida barý kerek?», «Qandai tanymal jaǵajai baǵyttary teńiz jaǵalaýyndaǵy jaily demalysty usynady?», «Demalysta qai jyly elderge ushý kerek?» degen siiaqty suraqtardyń jaýabyn izdep kórdi. Materialdy daiyndaýǵa týr agenttiktiń menedjeri Gaýhar Smailovanyń aqparattyq derekterin qoldandyq.
Foto: ingos.ru
Egipet
Mysyr kúntizbesinde 31 jeltoqsanda Jańa jyl sanalmaidy. Biraq bul el týristerdiń suranysyn jerge qaldyrmaidy. Týristerdiń bul merekeni toilaýǵa degen qulshynysyna túsinistikpen qarap, ózderi de is-sharalarǵa qýana qatysady.
Búginde Egipettegi qonaqúiler, sonyń ishinde Hýrgada, Sharm-el-Sheih, Kair, Lýksor jáne Asýan merekege muqiiat daiyndalyp jatqany baiqalady. Sándik shyrshalar ornatylǵan, bólmeler merekelik shamdarmen bezendirilgen, jergilikti oiyn-saýyq pen túni boiy bi keshteri uiymdastyrylady. Tipti piramidalar men hramdarda da jaryq shoýlary bar.
Qańtar aiyndaǵy Egipettegi aýa raiy aptap ystyqqa shydamaǵandardyń kóńilinen shyǵady. Aýa temperatýrasy +25 gradýs shamasynda, teńizde - 20 gradýs shamasynda. Keshki serýender úshin jyly kiimderdi (kýrtkalar, jempirler, djinsy shalbarlar) ala shyqsańyz, artyqtyq etpeidi.
28 jeltotqsannan bastap bul elde demalý baǵasy 1 adamǵa 450 000 teńge bolyp tur.
Foto: b24.am
Dýbai, BAÁ
BAÁ-de jańa jyldyq merekeler kezinde siz teńizde demalyp qana qoimai (temperatýra +24...27 gradýs), sonymen qatar búkil álemge tanymal eldiń sulýlyǵy men ǵajaiyptaryn tamashalai alasyz. Ámirlikterdegi talǵampaz týrister úshin Rýb ál-Hali shólinde Jańa jyldy toilaý múmkindigi bar.
Dýbai jańa jyldy qarsy alýshy týristerdi jarqyraǵan girliandalarmen, merekelik shamdarmen jáne keremet otshashýmen qarsy alady. Jańa jyl qarsańynda saýda ortalyqtary satylymdar uiymdastyryp, milliondaǵan satyp alýshylardy tartady. 31 jeltoqsanda meiramhanalar kásibi ártisterdiń qatysýymen baǵdarlamalar uiymdastyrady, al túngi klýbtar men jaǵajai keshteri álemniń túkpir-túkpirinen tanymal didjeilerdiń mýzykasymen bileidi. Keremet otshashýlar da osynda bolmaq.
Dýbaidan bólek, Ras ál-Haima, Shardja jáne Fýdjeiraǵa sál arzanyraq týrlar tabýǵa bolady.
Jalpy Dýbaiǵa Almatydan týr baǵasy 1 adamǵa 500 000 teńge. Bul 28 jeltoqsannan qańtardyń 20-syna deiingi baǵa.
Foto: ht.kz
Maldiv araldary
Maldiv araldarynda Jańa jyl aral stilinde toilanady: short, jeńil kóilek, yńǵaily aiaq kiim jáne tipti jalań aiaq júre alasyz. Jergilikti turǵyndar jańa jyldy ádette, jaǵajaida barbekiý jasaý arqyly toilaidy. Eger jergilikti turǵyndarmen birge qarsy alýdy qalasańyz, demalý úshin eldi mekenderdi tańdaǵan durys.
Kýrorttyq araldardaǵy Jańa jyl qarsańynda jii kúnniń batýy kokteil keshteri, merekelik keshki as jáne oiyn-saýyq, úlken otshashýlar, didjeiler men jaǵajai bar bileri kiredi. Kesh kelesi kúni jandy mýzyka súiemeldeýimen halyqaralyq taǵamdardyń bai tańdaýynan turatyn tańǵy aspen jalǵastyra alasyz. Nemese balyq aýlaýǵa nemese sý astyna ekskýrsiiaǵa barýǵa, ashyq muhittaǵy delfinderdi tamashalaýǵa, serfingke barýǵa, sý astyndaǵy 5 metrlik meiramhanada tamaqtanýǵa nemese jai ǵana tolqyndardyń dybysyn tyńdap, SPA-da demalýǵa bolady.
Aýa temperatýrasy kúndiz: +28-30 gradýs. Túnde aýa temperatýrasy ádette 27 gradýstan tómen túspeidi. Sýdyń temperatýrasy: +28-29 gradýsta saqtalady.
28 jeltotqsannan bastap bul elde demalý baǵasy 1 adamǵa 795 000 teńge.
Foto: .tutu.ru
Tailand
Tailand jaǵajailaryn qonaqjailylyǵy, tamasha aýa-raiy jáne qol jetimdi baǵalary úshin burynnan baǵalanatyn el. Tailandta Jańa jyldy toilaýdyń negizgi artyqshylyqtary tynysh aýa raiy, taza teńiz, kóptegen jaǵajailar, jarqyn, kóńildi shoýlar men bai ekskýrsiialyq baǵdarlama ekeni belgili.
Tailandta jalǵyzdyqty jaqsy kóretinder de, kóńildi jáne shýly kompaniialardy unatatyndar da ózin jaily sezine alady. Birinshileri halqy az Tailand araldaryn tańdasa, ekinshisi iri týristik keshenderde kóńil kóteredi.
Tailandtaǵy qys ailary eń joǵary suranystaǵy maýsym bolyp tabylady, sondyqtan aldyn-ala brondaý qajet. 24-25 jeltoqsanda reispen Tailandqa týrdy satyp alǵan durys, únemdeý 50% deiin jetýi múmkin. 27-den keiin quny kúrt ósedi.
Máselen, 28 jeltoqsannan keiin 1 adamdyq týr baǵasy 639 000 teńge.
Foto: Shutterstock
Shri-Lanka
Shri-Lankada Jańa jyl dástúrli mereke emes, jaǵajaida otshashý bar jaǵajai keshteri daiyndalyp jatqanymen, araldyń ishki bóliginde jańa jyldyq kóńil-kúi sezilmeidi. Djinigatendegi aǵash úiinde bolǵanda, siz bulyńǵyr tropikalyq orman shyńdary, taýlar men sarqyramalaryn ǵana tamashalai alasyz.
Bul jańa jylǵa arnalǵan mekerelik emes, taza tán men jannyń rahatyna arnalǵan demalys bolady dep senemiz.
Almatydan Shri-Lankaǵa 1 adamdyq týr baǵasy 28 jeltoqsannan keiin 593 000 teńge.
Foto: welcometimes.ru
Bali
Balide Jańa jyl eki ret toilanady: Grigorian kúntizbesi boiynsha (31 jeltoqsan) jáne Balilyqtar boiynsha naýryzda – Nepi merekesi. 31 jeltoqsanda jaǵajailar men klýbtarda keshter, otshashý men tańǵa deiin bi bileidi, meiramhanalarda túski as, sondai-aq qonaqúilerde merekelik is-sharalar ótedi. Bul ýaqytta araldaǵy temperatýra jyly, shamamen +30 ° C, biraq jańbyrly maýsym bolýy múmkin.
Merekeniń eń tanymal oryndary - Kýta, Seminiak jáne Kanggý, olar otshashý men jandy mýzykamen keshter uiymdastyrady. Suranys joǵary bolǵandyqtan aldyn ala brondaý usynylady.
28 jeltoqsannan keiin 1 adamdyq týr baǵasy 800 000 teńge.
Foto: ht.kz
Goa
Goadaǵy Jańa jyl eýropalyq dástúrler men úndi dáminiń qospasy. Týrister jaǵajai keshterin, otshashýlardy, jandy mýzykany jáne muhittaǵy shoýlardy tamashalai alady. Andjýna men Baga jaǵajailarynda tipti qainaityn ýaqyt. Goada jańa jyldyq arnaiy baǵdarlamalar usynatyn kóptegen barlar men meiramhanalar bar.
Goadaǵy Jańa jyldyń basty artyqshylyǵy – jyly shýaqty aýa-raiy jáne teńiz jaǵasyndaǵy tynysh demalys atmosferasy.
Mundaǵy demalys baǵasy 1 adamǵa 400 000 teńge.
Eskertý: Týr baǵalary tek 28 jeltoqsan men 20 qańtar aralyǵyndaǵy baǵalar boiynsha jazyldy. Oǵan deiingi jáne odan keiingi ýaqyttarda baǵa ártúrli bolyp qubylýy múmkin.
Aqbota Musabekqyzy
