Foto: Ashyq derekkózden
Memlekettik áleýmettik saqtandyrý qorynan jumysynan aiyrylýyna bailanysty járdemaqy alýshylardyń sany 101 myń adamǵa jetti. Bul rette biyl 98,1 myń adamǵa tólem alǵash ret taǵaiyndalǵan, dep habarlaidy QazAqparat.
Qoldanystaǵy zańnamaǵa sáikes jumystan bosatylǵan jumyskerler mindetti áleýmettik saqtandyrý júiesine qatysý ótiline jáne sońǵy 24 aidaǵy tabysyna bailanysty 1 aidan 6 aiǵa deiin jumysynan aiyrylýy boiynsha áleýmettik tólem alady.
Járdemaqy aiyrylǵan kiristiń 40%-yna deiingi mólsherde MÁSQ qarajaty esebinen tólenedi.
Tólem taǵaiyndaý úshin jumystan bosatylǵan jumysker:
- eGov.kz portalynda avtorizatsiialaný;
- «Jumysqa ornalastyrý jáne jumyspen qamtý» bóliminde «Jumys izdeýshi adamdardy tirkeý» qyzmetin tańdaý;
- onlain-qyzmetke tapsyrys berip, barlyq joldardy toltyrý jáne oǵan ETsQ-men qol qoiyp, ótinim jiberý qajet;
- bir kún ishinde turǵylyqty jerińizdegi halyqty jumyspen qamtý ortalyǵy (budan ári – HJQO) bos jumys oryndaryn usynady;
- eger jumys tabylmasa, 3 jumys kúni ishinde qashyqtan jumyssyz mártebesi beriledi (qajet bolǵan jaǵdaida sizge HQO qyzmetkeri qosymsha aqparat jinaý úshin habarlasady);
Bul qyzmetti onlain rejimde elektrondy eńbek birjasy (enbek.kz) arqyly da alýǵa bolady.
Jumyssyz retinde tirkelý týraly málimetter bolǵan kezde Eńbekmininiń aqparattyq júiesi proaktivti formatta MÁSQ-tan tólemdi taǵaiyndaý boiynsha qyzmet kórsetýge kelisý úshin mobildi telefonǵa SMS-habarlama jiberedi.
Kelisken jaǵdaida SMS-habarlamaǵa jaýap berý qajet. Tólem avtomatty túrde taǵaiyndalady.
Esterińizge sala keteiik, MÁSQ qarajaty esebinen jumystan aiyrylǵan jaǵdaida tólenetin áleýmettik tólem jumystan shyǵý sebepterine qaramastan júzege asyrylady jáne jumyssyz adamdy ol jumys izdegen kezeńde qoldaýǵa arnalǵan.
Memleket basshysynyń biylǵy jylǵy 1 qyrkúiektegi Joldaýyn iske asyrý úshin 2023 jylǵy 1 qańtardan bastap tabysty almastyrý koeffitsientin 40%-dan 45%-ǵa deiin ulǵaitý kózdeledi.
Bul rette tólem taǵaiyndaý tártibi saqtalady jáne jumysynan aiyrylǵan jáne jumyssyz mártebesin alǵan júiege qatysýshylarǵa ǵana qoldanylady.
Jumysynan aiyrylý boiynsha áleýmettik tólem mólsherin arttyrý 2023 jylǵy 1 qańtardaǵy jaǵdai boiynsha jumys istep turǵan alýshylarǵa da áser etedi, ol avtomatty túrde júrgiziledi.
