فوتو: اشىق دەرەككٶزدەن
مەملەكەتتٸك ەلەۋمەتتٸك ساقتاندىرۋ قورىنان جۇمىسىنان ايىرىلۋىنا بايلانىستى جەردەماقى الۋشىلاردىڭ سانى 101 مىڭ ادامعا جەتتٸ. بۇل رەتتە بيىل 98,1 مىڭ ادامعا تٶلەم العاش رەت تاعايىندالعان, دەپ حابارلايدى قازاقپارات.
قولدانىستاعى زاڭناماعا سەيكەس جۇمىستان بوساتىلعان جۇمىسكەرلەر مٸندەتتٸ ەلەۋمەتتٸك ساقتاندىرۋ جٷيەسٸنە قاتىسۋ ٶتٸلٸنە جەنە سوڭعى 24 ايداعى تابىسىنا بايلانىستى 1 ايدان 6 ايعا دەيٸن جۇمىسىنان ايىرىلۋى بويىنشا ەلەۋمەتتٸك تٶلەم الادى.
جەردەماقى ايىرىلعان كٸرٸستٸڭ 40%-ىنا دەيٸنگٸ مٶلشەردە مەسق قاراجاتى ەسەبٸنەن تٶلەنەدٸ.
تٶلەم تاعايىنداۋ ٷشٸن جۇمىستان بوساتىلعان جۇمىسكەر:
- eGov.kz پورتالىندا اۆتوريزاتسييالانۋ;
- «جۇمىسقا ورنالاستىرۋ جەنە جۇمىسپەن قامتۋ» بٶلٸمٸندە «جۇمىس ٸزدەۋشٸ ادامداردى تٸركەۋ» قىزمەتٸن تاڭداۋ;
- ونلاين-قىزمەتكە تاپسىرىس بەرٸپ, بارلىق جولداردى تولتىرۋ جەنە وعان ەتسق-مەن قول قويىپ, ٶتٸنٸم جٸبەرۋ قاجەت;
- بٸر كٷن ٸشٸندە تۇرعىلىقتى جەرٸڭٸزدەگٸ حالىقتى جۇمىسپەن قامتۋ ورتالىعى (بۇدان ەرٸ – حجقو) بوس جۇمىس ورىندارىن ۇسىنادى;
- ەگەر جۇمىس تابىلماسا, 3 جۇمىس كٷنٸ ٸشٸندە قاشىقتان جۇمىسسىز مەرتەبەسٸ بەرٸلەدٸ (قاجەت بولعان جاعدايدا سٸزگە حقو قىزمەتكەرٸ قوسىمشا اقپارات جيناۋ ٷشٸن حابارلاسادى);
بۇل قىزمەتتٸ ونلاين رەجيمدە ەلەكتروندى ەڭبەك بيرجاسى (enbek.kz) ارقىلى دا الۋعا بولادى.
جۇمىسسىز رەتٸندە تٸركەلۋ تۋرالى مەلٸمەتتەر بولعان كەزدە ەڭبەكمينٸنٸڭ اقپاراتتىق جٷيەسٸ پرواكتيۆتٸ فورماتتا مەسق-تان تٶلەمدٸ تاعايىنداۋ بويىنشا قىزمەت كٶرسەتۋگە كەلٸسۋ ٷشٸن موبيلدٸ تەلەفونعا SMS-حابارلاما جٸبەرەدٸ.
كەلٸسكەن جاعدايدا SMS-حابارلاماعا جاۋاپ بەرۋ قاجەت. تٶلەم اۆتوماتتى تٷردە تاعايىندالادى.
ەستەرٸڭٸزگە سالا كەتەيٸك, مەسق قاراجاتى ەسەبٸنەن جۇمىستان ايىرىلعان جاعدايدا تٶلەنەتٸن ەلەۋمەتتٸك تٶلەم جۇمىستان شىعۋ سەبەپتەرٸنە قاراماستان جٷزەگە اسىرىلادى جەنە جۇمىسسىز ادامدى ول جۇمىس ٸزدەگەن كەزەڭدە قولداۋعا ارنالعان.
مەملەكەت باسشىسىنىڭ بيىلعى جىلعى 1 قىركٷيەكتەگٸ جولداۋىن ٸسكە اسىرۋ ٷشٸن 2023 جىلعى 1 قاڭتاردان باستاپ تابىستى الماستىرۋ كوەففيتسيەنتٸن 40%-دان 45%-عا دەيٸن ۇلعايتۋ كٶزدەلەدٸ.
بۇل رەتتە تٶلەم تاعايىنداۋ تەرتٸبٸ ساقتالادى جەنە جۇمىسىنان ايىرىلعان جەنە جۇمىسسىز مەرتەبەسٸن العان جٷيەگە قاتىسۋشىلارعا عانا قولدانىلادى.
جۇمىسىنان ايىرىلۋ بويىنشا ەلەۋمەتتٸك تٶلەم مٶلشەرٸن ارتتىرۋ 2023 جىلعى 1 قاڭتارداعى جاعداي بويىنشا جۇمىس ٸستەپ تۇرعان الۋشىلارعا دا ەسەر ەتەدٸ, ول اۆتوماتتى تٷردە جٷرگٸزٸلەدٸ.
