Qazaqstanda áleýmettik qyzmetkerlerge psihoemotsionaldyq jáne fizikalyq júkteme úshin qosymsha aqy tóleý usynylyp otyr.
Statsionarlyq jáne jartylai statsionarlyq tiptegi meditsinalyq-áleýmettik mekemelerde (palliativti kómek bólimshelerin qospaǵanda) qosymsha aqy:
- basqarýshy personalǵa – laýazymdyq eńbekaqynyń 30%-i
- negizgi personal qyzmetkerlerine (áleýmettik qyzmetkerlerdi qospaǵanda) – 35%;
- áleýmettik qyzmetkerlerge – 40%;
- sanitarlarǵa – 40%.
Statsionarlyq jáne jartylai statsionarlyq tiptegi meditsinalyq-áleýmettik mekemelerdiń palliativti kómek bólimshelerinde:
- tárbieshilerge, barlyq mamandyqtaǵy medbikelerge, sanitarlarǵa – 60%.
Ýaqytsha bolý, úide qyzmet kórsetý uiymdaryndaǵy qyzmetkerlerge:
- basqarýshy personal –15%;
- negizgi personal qyzmetkerlerine (áleýmettik qyzmetkerlerdi qospaǵanda) –20%;
- áleýmettik qyzmetkerlerge – 35%;
- sanitarlarǵa – 20%.
Joba "Ashyq NQA" portalynda 28 qazanǵa deiin qoǵamdyq talqylaýǵa shyǵarylǵan. Negizdemesinde álýmettik qyzmet kórsetý júiesinde bilikti kadrlardyń jetispeitini jazylǵan. Bul jumys qarqyndylyǵyna sáikes kelmeitin tómen jalaqymen bailanysty bolyp otyr.
Áleýmettik qyzmetkerlerge tólenetin qosymsha aqy úshin úsh jylǵa 25,1 milliard teńge nemese jyl saiyn 8,37 milliard teńge qarastyrylǵan ("2020-2022 jyldarǵa arnalǵan respýblikalyq biýdjet týraly" zań jobasy).
