Úkimet 2020 jylǵy demalys kúnderin aýystyrý týraly qaýly shyǵardy, dep habarlaidy "Ult aqparat" QR Premer-Ministriniń baspasóz qyzmetine silteme jasap.
Qazaqstan Respýblikasy Úkimetiniń qaýlysymen Qazaqstan Respýblikasy Eńbek kodeksiniń 85-babynyń 3-tarmaǵyna sáikes jáne jumys ýaqytyn utymdy paidalaný maqsatynda 2020 jyly demalys kúnderin aýystyrý kestesi bekitildi.
«Demalys kúnderi:
- 2020 jyldyń 5 qańtary jeksenbiden 2020 jylǵy 3 qańtar jumaǵa;
- 2020 jyldyń 11 mamyry dúisenbiden 2020 jyldyń 8 mamyry jumaǵa;
- 2020 jyldyń 20 jeltoqsany jeksenbiden 2020 jylǵy 18 jeltoqsan jumaǵa aýystyrylsyn», — delingen Qaýly mátininde.
Bul qaýly resmi jariialanǵan ýaqytynan kúntizbelik on kún ótken soń qoldanysqa engiziledi.
