Ulttyq ekonomika ministri Áset Erǵaliev Jańa jylǵa qarai azyq-túlik jáne basqa da taýarlar baǵasy qalai bolatynyn aitty, dep habarlaidy Sputnik Qazaqstan.
Jýrnalister májilis kýlýarynda ulttyq ekonomika ministrine kásipkerler men qarapaiym halyqtyń Qytaidan importtalatyn taýarlardyń qymbattaýyna qatysty alańdaýshylyǵyn jetkizdi.
"Qytai shekarasymen bailanysty másele bizdiń vedomstvoǵa jatpaidy. Bul saýda jáne qarjy ministrlikterine qoiylatyn suraq. Baǵanyń ósýine qatysty aitar bolsam: maýsymdyq qubylý bar, jeltoqsanda ádette bári jańa jylǵa daiyndalady. Sol sebepti belgili bir azyq-túlik ónimderi qymbattaidy", - dep jaýap berdi Erǵaliev.
Sondai-aq ministrden qazir dúkende nan men kartop qansha turatynyn surady.
"Nan 130 teńge turady, túrine bailanysty. Kartop 425 teńge shamasynda", - dedi ol.
Budan bólek, Erǵaliev qazir úkimet ekonomikadaǵy infliatsiialyq protsesterdi tejeý úshin sharalar keshenin qabyldaǵanyn aitty. Ministr ár óńirmen baǵany monitoringileý jumysy júrgizilip jatqanyna sendirdi.
Buǵan deiin Qazaqstanda 10 ai ishinde infliatsiia 8,9%-ti quraǵany habarlandy.
