Foto: Ashyq derekkózden
Ishki ister ministrligi mereke qarsańynda shyrshany zańsyz kesýge jol bermeý úshin reidti kúsheitti, dep habarlaidy QazAqparat.
«15 jeltoqsannan bastap respýblika aýmaǵynda qylqan japyraqty aǵashtardy zańsyz kesý, daiyndaý jáne ótkizý oryndaryn anyqtaý jáne jolyn kesý boiynsha orman qorǵaý organdarymen birge reid júrgizilip jatyr. Avtojoldarda, bazarlarda jáne basqa jerlerde baqylaý úshin 500-ge jýyq mobildi top quryldy, olar 10 kúnde myńnan astam reid júrgizdi», - dedi Ishki ister ministrliginiń ókili Shuǵyla Turlybek aptalyq brifingide.
Shyrshalar men qaraǵailardyń satylýyn baqylaý, olardy belgilenbegen jerlerde jáne tiisti qujattarsyz satý boiynsha tekserýler júrgiziledi.
«Qazirgi ýaqytta 235 zań buzýshylyq anyqtaldy, onyń ishinde 3 zańsyz kesý, 45 qylqan japyraqty jas kóshetti zańsyz satý faktileri bar. 11 qylmystyq quqyq buzýshylyq tirkeldi. 240 quqyq buzýshy ákimshilik jaýapkershilikke tartyldy, onyń kópshiligi shyrsha men qaraǵaidy zańsyz kesip tasymaldaǵan jáne satqan. Quqyq buzýshylardan 2,5 myńnan astam qylqan japyraqty aǵash tárkilendi. Aldyn alý sharasy Jańa jyl merekesine deiin jalǵasady», - dedi Turlybek.
