فوتو: اشىق دەرەككٶزدەن
ٸشكٸ ٸستەر مينيسترلٸگٸ مەرەكە قارساڭىندا شىرشانى زاڭسىز كەسۋگە جول بەرمەۋ ٷشٸن رەيدتٸ كٷشەيتتٸ, دەپ حابارلايدى قازاقپارات.
«15 جەلتوقساننان باستاپ رەسپۋبليكا اۋماعىندا قىلقان جاپىراقتى اعاشتاردى زاڭسىز كەسۋ, دايىنداۋ جەنە ٶتكٸزۋ ورىندارىن انىقتاۋ جەنە جولىن كەسۋ بويىنشا ورمان قورعاۋ ورگاندارىمەن بٸرگە رەيد جٷرگٸزٸلٸپ جاتىر. اۆتوجولداردا, بازارلاردا جەنە باسقا جەرلەردە باقىلاۋ ٷشٸن 500-گە جۋىق موبيلدٸ توپ قۇرىلدى, ولار 10 كٷندە مىڭنان استام رەيد جٷرگٸزدٸ», - دەدٸ ٸشكٸ ٸستەر مينيسترلٸگٸنٸڭ ٶكٸلٸ شۇعىلا تۇرلىبەك اپتالىق بريفينگٸدە.
شىرشالار مەن قاراعايلاردىڭ ساتىلۋىن باقىلاۋ, ولاردى بەلگٸلەنبەگەن جەرلەردە جەنە تيٸستٸ قۇجاتتارسىز ساتۋ بويىنشا تەكسەرۋلەر جٷرگٸزٸلەدٸ.
«قازٸرگٸ ۋاقىتتا 235 زاڭ بۇزۋشىلىق انىقتالدى, ونىڭ ٸشٸندە 3 زاڭسىز كەسۋ, 45 قىلقان جاپىراقتى جاس كٶشەتتٸ زاڭسىز ساتۋ فاكتٸلەرٸ بار. 11 قىلمىستىق قۇقىق بۇزۋشىلىق تٸركەلدٸ. 240 قۇقىق بۇزۋشى ەكٸمشٸلٸك جاۋاپكەرشٸلٸككە تارتىلدى, ونىڭ كٶپشٸلٸگٸ شىرشا مەن قاراعايدى زاڭسىز كەسٸپ تاسىمالداعان جەنە ساتقان. قۇقىق بۇزۋشىلاردان 2,5 مىڭنان استام قىلقان جاپىراقتى اعاش تەركٸلەندٸ. الدىن الۋ شاراسى جاڭا جىل مەرەكەسٸنە دەيٸن جالعاسادى», - دەدٸ تۇرلىبەك.
