Foto: ashyq derekkóz
Memleket basshysy qol qoiǵan jańa Salyq kodeksi 2026 jyldyń 1 qańtarynan bastap kúshine enedi. Qujatta korporativtik jáne jeke tabys salyǵyna qatysty jańa ózgerister, saralanǵan mólsherlemeler men salyqtyq jeńildikter kózdelgen. Kodeks el ekonomikasyn yntalandyrýǵa jáne salyq aýyrtpalyǵyn ádil bólýge baǵyttalǵan, dep habarlaidy Ult.kz.
Korporativtik tabys salyǵy (KTS):
🔹 Negizgi mólsherleme – 20% sol kúii saqtalady.
🔹 Alaida kei salalar úshin saralanǵan mólsherleme engiziledi:
-
Bankter men oiyn biznesi – 25% (bizneske nesie beretin bankterdi qospaǵanda);
-
Áleýmettik sala uiymdary – 2026 jyly 5%, 2027 jyldan bastap 10%;
-
Aýyl sharýashylyǵy óndirýshileri – 3% jeńildetilgen mólsherleme sol kúii qalady.
Qarjy naryǵyna yntalandyrý:
-
Birjalyq baǵaly qaǵazdarǵa tólenetin dividentter burynǵydai salyqtan bosatylady;
-
«Báiterek» holdingi shyǵarǵan baǵaly qaǵazdardan túsetin kirister 2031 jylǵa deiin KTS-ten bosatylady.
Ken óndirý jáne barlaý salasyna qoldaý:
-
Jańa, tiimdiligi tómen ýchaskeler paidaly qazbalardy óndirý salyǵynan 5 jylǵa bosatylady.
Jeke tabys salyǵy (JTS):
🔸 Progressivti júie engiziledi:
-
Jyldyq tabysy 8 500 AEK-ten asatyn azamattar – 15% salyq tóleidi;
-
Dividentteri nemese tabysy 230 000 AEK-ten asatyn kásipkerlerge de – 15% mólsherleme qoldanylady;
-
Fermerlerge – jeńildik eskerile otyryp, 4,5% salyq salynady.
Qymbat múlikke qosymsha salyq:
🔹 10% aktsiz myna taýarlarǵa salynady:
-
Quny 75 mln teńgeden asatyn avtokólikter;
-
Quny 100 mln teńgeden asatyn kemeler;
-
Quny litrine 500 000 teńgeden asatyn alkogol;
-
Bir danasy 10 000 teńgeden asatyn temeki ónimderi.
🔹 450 mln teńgeden asatyn jyljymaityn múlikke joǵary múlik salyǵy qoldanylady.
Salyqtyq ákimshilendirý:
-
Kameraldyq baqylaý endi eskertý sipatynda bolady;
-
Salyq qaryzyn óteý, keiinge qaldyrý nemese bólip tóleý jeńildetiledi;
-
Qaryz az bolsa, esepshot buǵattalmaidy, sharalar kezeń-kezeńimen qabyldanady.
Kodekstiń tolyq mátini jaqyn arada resmi baspasózde jariialanady.
