Qazaqstanda jańa óndiristi yntalandyrý úshin ónerkásiptik grant berilmek. Bul týraly Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Otandyq ónerkásiptiń básekege qabilettiligin arttyrý máselelerin retteý birqatar baǵyt boiynsha júzege asyrylady. Eńbek ónimdiligin arttyrý – osy kórsetkishtiń monitoringin ónerkásipti yntalandyrý salasyndaǵy ýákiletti organ turaqty negizde júzege asyrady. Investitsiialardy tartý maqsatynda Biryńǵai investitsiialyq karta ázirlenedi. Óńirlerdi yntalandyrý, olardyń róli men jaýapkershiligin kúsheitý jáne operatorlardy tartý ǵa jańa jaǵdailar jasaý bóliginde Indýstriialandyrý kartasyn qalyptastyrý boiynsha jańa tásilder bekitiledi», - dedi Beibit Atamqulov Senatta ótip jatqan «QR ónerkásiptik saiasatty zańnamalyq retteý: jai-kúii, problemalary jáne sheshý joldary» taqyrybyndaǵy Úkimet saǵatynda.
Shikizatty qaita óńdeýdi tereńdetý úshin Qazaqstan aýmaǵynda óndirilmeitin shikizat pen jinaqtaýyshtardy bajdan bosatýdy kózdeitin Strategiialyq ónim tizbesin engiziledi. Osy arqyly otandyq shikizatqa qol jetkizýdi qamtamasyz etý jáne joǵary sapaly ónim shyǵarý tetigi pysyqtalady.
«Jabdyqtardy jańǵyrtý jáne shyǵyndardy birlesip qarjylandyrý arqyly jańa óndiris qurý maqsatynda zań jobasymen yntalandyrýdyń jańa quraly – ónerkásiptik grantty berý kózdelgen», - dedi ol.
