«Jańa oqý jylyna deiin «Tsifrlyq repetitor» jobasy iske qosylýy tiis. Bul týraly QR Oqý-aǵartý ministri Ashat Aimaǵambetov aitty, dep habarlaidy QazAqparat.
«Balalar úshin «Tsifrlyq repetitor» jobasyn bastap jatyrmyz. Ony tamyz aiynyń sońyna qarai iske qosýymyz kerek. Jańa oqý jylynyń qarsańynda arnaýly toptaǵy balalar osy joba boiynsha jumysyn bastaýy tiis. Oqý jylyna daiyndyǵymyz da osyǵan bailanysty bolady», - dedi Ashat Aimaǵambetov ministrliktiń apparat jinalysynda.
Aita keteiik, óten jyly Úkimet otyrystarynyń birinde Ashat Aimaǵambetov aýyl oqýshylary úshin «tsifrlyq repetitor» jobasyn engizý qarastyrylyp jatqanyn málimdegen bolatyn. Joba aiasynda áleýmettik osal otbasydan shyqqan balalar, iaǵni 500 myńǵa jýyq oqýshy apta saiyn tegin matematika, til nemese jaratylystaný pánderinen keminde 3 qosymsha sabaq ala alady.
