QR Bilim jáne ǵylym ministri Ashat Aimaǵambetov jańa oqý jylynda mektepterdi ashý jóninde pikir bildirdi, dep habarlaidy QazAqparat.
«Eń aldymen jańa oqý jylynda mektepter ashylyp, balalarǵa dástúrli formatta oqý múmkindigi beriledi dep úmittenemiz. Biraq árine, bul úshin eń mańyzdy negizgi sharttardy oryndaý qajet: qarapaiym sanitarlyq-epidemiologiialyq talaptardy saqtaý, vaktsinalaý jáne mektepterdiń dástúrli formatta jumys isteýi úshin belgili bir aimaqtyń «qyzyl» aimaqta emes, «jasyl» aimaqta bolǵany jón», - dedi ministr Ortalyq kommýnikatsiialar qyzmetinde ótken baspasóz máslihatynda.
Bilim ministri kelesi oqý jylynda balalardyń dástúrli formatta bilim alýy úshin mektepterdiń ashylatynyna úmit artatynyn aitty.
«Ózderińizge belgili, qazirgi vaktsinalaýdyń jalpy qarqyny, aýrýdyń tómendep jatqany kelesi jyldyń basyn óte optimisti josparlaýǵa múmkindik beredi. Kelesi oqý jylynda mektepterimizdi ashyp, balalardy dástúrli formatta oqytý qolymyzdan keledi dep oilaimyn», - dep deidi ministr.
