Foto: QR OAM
2025–2026 oqý jylynda 300 myńnan astam oqýshy ornyna eseptelgen 200-den astam jańa mektep salý josparlanyp otyr. Sonyń ishinde 206 myń oqýshy ornyna arnalǵan 112 mektep «Keleshek mektepteri» ulttyq jobasy aiasynda paidalanýǵa beriledi. Jańa mektepterdiń jartysyna jýyǵy aýyldarda ornalasady, dep habarlaidy Ult.kz.
Bul jobalardy júzege asyrý qala men aýyl mektepteri arasyndaǵy alshaqtyqty azaitýǵa, 15 apatty mektep máselesin sheshýge, úsh aýysymdy oqytýdy jáne 150 myńǵa jýyq oqýshy orny tapshylyǵyn joiýǵa múmkindik beredi.
Qosymsha 1000 aýyl mektebinde jóndeý jumystary júrgizilip, jihaz jańartylady, kitaphanalar, ashanalar men qaýipsizdik júieleri jabdyqtalady. Sonymen qatar himiia, fizika, biologiia, robototehnika jáne STEM baǵyttary boiynsha 1000 zamanaýi pándik kabinet satyp alynýda.
Memleket basshysynyń tapsyrmasyna sáikes, biryńǵai zamanaýi mektep infraqurylymy formatyna kóshý úshin 2029 jylǵa deiin 1231 mektepti jańǵyrtý baǵdarlamasy bastalady. Biyl 248 mektep renovatsiiadan ótedi. Bul mektepterde shatyrlar aýystyrylyp, qasbetter men terezeler jańartylady, injenerlik jelilerge kúrdeli jóndeý júrgizilip, aýmaq kógaldandyrylyp, abattandyrylady.
Eske sala keteiik, 2019 jyldan bastap Qazaqstanda bilim berý salasynda aýqymdy infraqurylymdyq jobalar júzege asyrylyp keledi. Osy ýaqyt ishinde 1200 jańa mektep ashylyp, 1 millionnan astam oqýshy orny qamtamasyz etildi. Bul sharalar mektepterdiń shamadan tys júktemesin jáne úsh aýysymdy oqytýdy aitarlyqtai azaitýǵa múmkindik berdi. Qazirgi tańda 3000 mektep bir aýysymmen jumys isteidi.
