Foto: gov.kz
Elimiz boiynsha 2025-2026 oqý jylynyń basyna deiin 115 myń orynǵa arnalǵan 83 jańa mektep paidalanýǵa beriletini málim boldy, dep habarlaidy Ult.kz.
Oqý-aǵartý ministrliginiń málimetinshe, jyl sońyna deiin taǵy 140 myń orynǵa arnalǵan 111 mekteptiń qurylysy aiaqtalady dep kútilip otyr. Mektep qurylysymen qatar, biyl 190 myń oqýshyny qamtityn 245 mektepte aýqymdy renovatsiia baǵdarlamasy iske asyrylyp jatyr. Onyń shamamen 60%-y aýyldyq jerlerde ornalasqan. Jańa oqý jylyna deiin 99 myń oqýshyny qamtityn 127 mekteptegi jóndeý jumystary aiaqtalatyny aityldy.
Sonymen qatar 2025 jyly 69 myńnan astam oqýshysy bar 1000-nan astam aýyl mektebi jańǵyrtylyp, 680 mektepke shamamen 1100 zamanaýi pándik kabinet satyp alynady.
Buǵan deiin 2025-2026 oqý jylynan bastap elimizdiń mektepterinde birqatar mańyzdy ózgerister engiziletini aitylǵan bolatyn.
