Foto: Pexels.com
2025–2026 oqý jylynda tehnikalyq jáne kásiptik bilim berý uiymdarynda dýaldy oqýmen qamtylǵan stýdentter sany 135 myńǵa jetedi. Bul ótken jylmen salystyrǵanda 27 myńǵa kóp, dep habarlaidy Ult.kz.
Dýaldy oqytý teoriialyq daiyndyqty tájiribemen ushtastyrýǵa múmkindik beredi. Oqý ýaqytynyń 60%-yn stýdentter tikelei óndiriste ótkizip, suranysqa ie mamandyqtardy is júzinde meńgeredi.
Búginde bul júiege elimizdegi 552 kolledjde 18 myńnan astam kásiporyn qatysady. Olardyń qatarynda mashina jasaý, qurylys, energetika, IT jáne servis salasyndaǵy iri kompaniialar bar. Mundai yntymaqtastyq formaty stýdentterge tájiribelik mashyq beredi, al jumys berýshiler úshin – óndiristiń naqty suranysyna sai bilikti kadrlar daiarlaýdy qamtamasyz etedi.
«Dýaldy oqytýdy damytý – tehnikalyq jáne kásiptik bilim berý júiesindegi basym baǵyttardyń biri. Búginde memlekettik tapsyrys boiynsha bilim alǵan kolledj túlekteriniń 70%-dan astamy oqýyn támamdaǵan soń birden óz mamandyǵy boiynsha jumysqa ornalasady», – deidi Tehnikalyq jáne kásiptik bilim berý departamentiniń direktory Aset Mýhanbetov.
2024 jyly memlekettik tapsyrys negizinde dýaldy oqytý formatynda oqýyn aiaqtaǵan túlekter sany 30 myńnan asty, olardyń 71%-y qazirdiń ózinde jumysqa ornalasqan.
Jumysshy mamandyqtary jyly jáne tehnikalyq-kásiptik bilim berý júiesin transformatsiialaý aiasynda 2027 jylǵa qarai dýaldy júiemen oqityn stýdentterdiń úlesi 50%-ǵa deiin ósedi. Negizgi bastamalardyń qatarynda – Germaniianyń Erfýrt ýniversitetimen birlesip Halyqaralyq dýaldy oqytý ortalyǵyn ashý, sondai-aq «Atameken» UKP qoldaýymen tálimgerlik institýtyn damytý bar.
