© Sputnik / Vladislav Vodnev
Jańa óńirler – Ulytaý, Abai jáne Jetisý oblystarynyń turǵyndaryna qaita tirkeýden ótý qajet emes. Bul týraly ulttyq ekonomika ministri Álibek Qýantyrov málimdedi, dep habarlaidy Sputnik Qazaqstan.
Ortalyq kommýnikatsiialar qyzmetinde ótken baspasóz máslihatynda jýrnalister jańa oblystardyń turǵyndary men zańdy tulǵalar qaita tirkeýden ótýi kerek pe dep surady.
"Qaita tirkeýden ótýdiń qajeti joq", - dep qysqa qaiyrdy Qýantyrov.
Ministrdiń orynbasary Baýyrjan Omarbekov qujatty joǵaltqan nemese jańartqan kezde, sondai-aq basqa jerge qonys aýdarǵanda jańa mekenjai jazylatynyn atap ótti.
"Al qazir ustap júrgen qujattar jaramdy, qaita tirkeýden ótýdiń qajeti joq", - dep tolyqtyrdy vitse-ministr.
8 maýsymda Prezidenttiń úsh oblys qurý týraly jarlyǵy kúshine endi.
Al ótken demalysta memleket basshysy jańa oblystardyń ákimderin taǵaiyndady:
- Ulytaý oblysynyń ákimi – Berik Ábdiǵaliuly,
- Abai oblysynyń ákimi – Nurlan Uranhaev;
- Jetisý oblysynyń ákimi – Beibit Isabaev.
