Jambyl oblysynyń ákimi Berdibek Saparbaev jańa nysandar salý máselesin kóterdi. Bul týraly ol Taraz qalasyn damytý máseleleri jónindegi keńes otyrysynda aityldy.
Aimaq basshysynyń aitýynsha, Tarazdaǵy barlyq bastamalar men igi jobalar jalǵasyn tabady. Alaida, qurylys júrgizýde tek biýdjet qarajatyna senim artýǵa bolmaitynyn, bul turǵyda memlekettik-jekemenshik áriptestik sheńberinde, biznes-qurylymdardy belsendi tartý múmkindikterin barynsha izdestirý qajettigi kóterildi. Bul týraly oblys ákiminiń baspasóz qyzmeti habarlady.
Atalǵan jiynda Taraz qalasyń ákimi Aitqazy Qarabalaev 34 myń turǵynǵa arnalǵan shahardyń jańa 15-shi shaǵyn aýdanynda júzege asatyn jobalar týraly egjei-tegjeili baiandady. Onda 8 mádeni-sporttyq nysan, sondai-aq, 17 gektarda saiabaq qurylysy júrgizilmek.
Jiynda Tarazǵa saltanat zaly, neke qiiý zaly, jeńil atletikalyq jáne gimnastikalyq manejder siiaqty nysandardyń qajettiligi aityldy. Alaida olardyń quny, tiimdi paidalaný men qurylystarynyń syrtqy kelbetine qatysty oilanatyn máseleler joq emes.
«Eger keiin padalanýsyz, bos turatyn bolsa, jańa nysandarǵa milliardtaǵan teńge salyp ne utamyz? Al, Tarazdyń keibir kóshelerinde jaryq joq, birqatar joldar men trotýarlar jóndeýdi qajet etedi. Osyǵan da kóńil bólgenimizdurys siiaqty», - dedi B. Saparbaev.
Aimaq basshysy qala ákimi Aitqazy Qarabalaevqa shahardaǵy jaryqtandyrýsyz jáne jóndeýdi qajet etetin kóshelerdiń tizimin jasaqtap, ol úshin ýaqyt sozbai jobalyq smetalyq qujattamalardy daiyndai berýdi tapsyrdy.
Sondai-aq, oblys ákiminiń aitýynsha, jańa shaǵyn aýdandardyń qurylysy kezinde turǵyn úi kezegine taldaý júrgizý qajet. Kezekte turǵandardyń suranysy 1 bólmeli nemese eki, úsh bólmeli páter bolatyn bolsa, ony eskergen jón. Qurylys jumystaryn júrgizýde jergilikti ónimderdi barynsha paidalaný jáne turǵyn úi qunynyń tómendetý mindetteri negizge alynbaq.
Berdibek Saparbaev Oqýshylar saraiyn salý, saiabaqtar men skverlerdi retteý, jaiaý júrginshiler alańdary men velosiped joldaryn salý, Mamyr saiabaǵyn qaita jańǵyrtý ideialaryn qoldady. Aýdan ortalyqtaryn abattandyrýǵa kóńil bóldi.
Jiyndy qorytyndylai kele oblys ákimi osyǵan uqsas nysandary bar óńirlerdiń tájiribesin zerdeleýge, joba quny men sapaǵa airyqsha mán berýge, jańa jobalardy ázirleýde jergilikti erekshelikterdi eskerýge shaqyrdy.
