Ǵylym jáne joǵary bilim ministri Saiasat Nurbek balalary nege Kiprde oqitynyn aitty, - dep habarlaidy Tengrinews.kz.
Úkimet otyrysynan keiin jýrnalister jańa ministrden balalary qaida oqitynyn surady.
"26 maýsymda olar Qazaqstanǵa qaitady. Sizge olardyń osynda ekeni týraly foto esep beremin. Ózim asyǵa kútip júrmin. Úsh sebep bar: birinshisi - áielimniń jáne balalarymnyń meditsinalyq jaǵdaiy. Naqty meditsinalyq qorytyndy bar, belgili bir problemalar bar. Ekinshiden, ókinishke qarai, olardy osynda (Qazaqstanda) qarjylai jaǵdaiǵa bailanysty jekemenshik mektepte oqyta almadym. Úshinshiden, bul ulybritaniialyq formattaǵy óte jaqsy mektep (Kiprde). Biraq alańdamańyzdar. Men sizderge taǵy da ashyq aitamyn, 26 maýsymda olar Qazaqstanǵa oralady", - dedi Saiasat Nurbek jýrnalisterge.
