QR Aýyl sharýashylyǵy ministrliginiń Jer qatynastary komiteti «Ashyq NQA» portalyna jańadan qurylǵan oblystardyń, olardyń quramyna engen aýdandar men qalalardyń kadastrlyq kodyn belgileitin buiryq jobasyn jariialady, dep habarlaidy QazAqparat.
Qujat jobasy boiynsha, Abai oblysyna – 23, Ulytaý oblysyna – 25, Jetisý oblysyna – 24 degen kadastrlyq kod berilmek.
Qonaev qalasy Qapshaǵai bolyp turǵan kezdegi kadastrlyq kodyn saqtap qaldy – 055.
Sondai-aq Abai oblysyndaǵy Kýrchatov qalasynyń kadastrlyq kody – 217, Aqsýat aýdanynyń kody – 333 bolatyny aitylǵan.
Al Shyǵys Qazaqstan aýmaǵynda qaita qurylǵan Samar aýdanynyń kadastrlyq kody 334 bolmaq.
Buǵan deiin qaita qurylymdaý arqyly qurylǵan 3 oblystyń kólik nómirleri belgilengen edi.
«Jańadan paida bolǵan úsh oblysqa avtokólikterdiń óńirlerlik kodtaryn mynadai tártippen berý usynylady: Abai oblysy - 18, Jetisý oblysy - 19,Ulytaý oblysy - 20», - dep habarlady IIM baspasóz qyzmeti.
Ministrlik aqparatyna qaraǵanda, jańa aimaqtarda kóliktiń nómir kodtaryn engizý barysynda kólik quraldaryndaǵy burynǵy memlekettik nómirlerdi aýystyrý talap etilmeidi.
