Foto: Polisia.kz
Ishki ister ministrligi áleýmettik jeliler men messendjerlerde, sonyń ishinde jańa Konstitýtsiia jobasyna qatysty, shyndyqqa janaspaityn ári arandatýshylyq sipattaǵy jazbalar kóbeigenin málimdedi, dep habarlaidy Ult.kz.
IIM pikir aitý men talqylaý zańǵa qaishy kelmeitinin, alaida aqparatty ádeii burmalaý jáne jalǵan málimet taratpaý keregin eske saldy.
Buǵan deiin Qazaqstannyń premer-ministri Oljas Bektenov 2 aqpan kúni jańa Konstitýtsiia jobasyn talqylaýǵa bailanysty ótkizgen keńeste áleýmettik jeliler men messendjerlerde shyndyqqa janaspaityn arandatýshylyq sipattaǵy burmalanǵan aqparat taratqandardy jaýapqa tartýdy tapsyrǵan.
Bul atalǵan jumystardy úilestirý premer-ministrdiń orynbasary – Mádeniet jáne aqparat ministri Aida Balaevaǵa júktelgen.
31 qańtarda úkimet saitynda kirispe, 11 bólim jáne 95 baptan turatyn jańa Konstitýtsiia joba jariialanǵan.
31 qańtar Almaty ákimshilik soty qala turǵyny Marat Ábdirahmanovty «jalǵan aqparat taratty» dep kináli dep tanyp, 86 500 teńge aiyppul saldy. Oǵan Ákimshilik kodekstiń 256-2 baby boiynsha aiyp taǵylǵan.
