Foto: Ekologiia jáne tabiǵi resýrstar ministrligi
Búgin Respýblika kúni merekesi aiasynda Qazaqstannyń barlyq óńirinde «Jańa Qazaqstan. Taza tabiǵat" atty ekologiialyq aktsiia ótti, dep habarlaidy "Ult aqparat" Ekologiia jáne tabiǵi resýrstar ministrliginiń baspasóz qyzmetine silteme jasap.
"Bul kúni barlyq óńirdiń azamattary elimizdiń ekologiiasyn jaqsartýǵa úles qosý úshin jalpyǵa birdei respýblikalyq senbilikke shyqty. Mundai is-sharalar azamattyq belsendiliktiń, birliktiń jáne qorshaǵan ortany jaqsartýǵa degen jalpy umtylystyń jarqyn kórsetkishi bolyp tabylady.
Búgin senbilikke 270 myńnan astam adam qatysty. Elordada Ekologiia jáne tabiǵi resýrstar ministrligimen birlesip, S. Seifýllin atyndaǵy Qazaq agrotehnikalyq zertteý ýniversitetiniń jáne L. N. Gýmilev atyndaǵy Eýraziia ulttyq ýniversitetiniń ekolog-stýdentteri qatysty" - delingen habarlamada.
Vedomstvo málimetinshe, aktsiia barysynda respýblika boiynsha 40 myńnan astam qaldyq jinalǵan. Jinalǵan qoqys suryptalyp, qaita óńdeýge 1200 tonna shyny, 3150 tonna plastik, 420 tonna rezeńke, 1300 tonna qaǵaz jáne karton, 890 tonna metall tapsyrylǵan.
"Astanada Qarasý ózeniniń boiynda 40 myń aǵash kósheti otyrǵyzyldy, onyń 200 kóshetin vedomstvo qyzmetkerleri otyrǵyzdy.
Aldaǵy merekege orai is-shara ótetin jerde ministr aýmaqtyq ekologiia departamentterine 11 avtokóliktiń kiltin saltanatty túrde tabys etti. Olardyń qatarynda Almaty, Soltústik Qazaqstan, Qyzylorda, Batys Qazaqstan, Qostanai, Ulytaý, Jetisý jáne Abai oblystary boiynsha departamentter bar.
Biz osy is-sharaǵa qatysqandardyń barlyǵyna alǵysymyzdy bildiremiz. Taza jáne jarqyn el úshin birlesken kúsh-jigerimizdi keleshekte jalǵastyramyz dep úmittenemiz" - delingen habarlamada.
