Eýropalyq quqyq jáne adam quqyqtary institýtynyń direktory Marat Báshimov «Jańa Qazaqstan» tujyrymdamasyna qatysty sarapshy retinde pikir bildirdi, dep habarlaidy QazAqparat.
«Jańa Qazaqstan bul naqty áleýmettik baǵdarlanǵan memleket. Bul oligarhiiasyz, kóleńkeli ekonomikasyz jáne sybailas jemqorlyq joq memleket. Eger kóleńkeli ekonomika men sybailas jemqorlyq bolmasa, onda biz ádil jáne adal memleket bola alamyz. Biýdjet te jónimen jumsalady, al bul degenimiz áleýmettik damýdyń belgisi. Men úshin jańa Qazaqstan - ádiletti sot jáne kez kelgen azamattyń múddesin qorǵaityn quqyq júiesi. Búgingi quqyqtyq júiedegi qorqynyshtan arylý kerek. Iaǵni bilik pen halyqtyń ózara jaýapkershiligi bolýy kerek», - dedi Marat Báshimov.
Sarapshynyń pikirinshe, jańa Qazaqstan - ár azamattyń problemasyna mán beretin memleket. Sol siiaqty azamattar da zań talaby men quqyqty saqtaýy tiis.
«Sonda ǵana ádiletti qoǵam men tiimdi memleket bolady. Naqtysy osy. Damimyn degen memleket úshin ádiletti qoǵam, teńdik jáne adam quqyǵynyń saqtalýy mańyzdy. Al memleket el igiligi úshin tiimdi jumys isteýi tiis», - deidi ol.
Sondai-aq, spiker elimizde sapaly bilim men áleýmettik meditsinanyń bolýy kerektigin tilge tiek etti.
Eske sala ketsek, biyl 11 qańtarda Parlament Májilisiniń jalpy otyrysynda Memleket basshysy «Qazaqstanda damýdyń jańa kezeńi bastalady» degen edi.
Sonymen qatar Prezident jańa Qazaqstan qurýdyń maqsatyn aitty.
«Jańa Qazaqstannyń maqsaty – azamattardyń ál-aýqatyn arttyrý, tabys alshaqtyǵyn joiý, jumys oryndaryn ashý jáne infliatsiiany tejeý. Bizdiń barlyq kúsh-jigerimiz milliondaǵan qazaqstandyqtyń qaýipsizdigi men turmys jaǵdaiynyń sapasyn jaqsartýdy qamtamasyz etýge baǵyttalǵan. Qazaqstan ekonomikasy ornyqtylyǵyn kórsetti. Úkimet otandyq, sheteldik investorlar men saýda jónindegi seriktesterimizdiń senimin arttyrý úshin barlyq qajetti sharany qabyldaidy», - dep jazǵan edi Toqaev Twitter paraqshasynda.
