Jańa latyn álipbiindegi sózderdi internette izdeý fýnktsiiasy bolmaidy degen máselege qatysty Shaiaxmetov atyndaǵy Tilderdi damytýdyń respýblikalyq úilestirý-ádistemelik ortalyǵynyń direktory Erbol Tileshov pikir bildirdi, dep xabarlaidy "Ult aqparat" Baq.kz portalyna silteme jasap.
«Árine, ázirge internette izdeý fýnktsiiasy bolmaidy, sebebi mátindik qor joq. Latyn álipbiinde qazaq mátindik qory bolmasa, qalai izdep tabýǵa bolady? Aldymen onyń qory jasalýy kerek. Ol qor qazir jasalyp jatyr. Ulttyq kitapxanada keshe latyn álipbii kabineti ashyldy. Prezident bekitken nusqamen Elbasynyń kitaby jaryq kórdi», - dep jaýap berdi ol.
Erbol Tileshovtyń málimetinshe, apostrof nusqasynyń konverteri daiyn. Qazir bir tomdyq kitapty birneshe minýtta latyn álipbiine aýdarýǵa bolady. Ol digrafty daiyndaǵan kezde «Abai jolynyń» tórt tomdyǵyn 27 sekýndta aýdarǵanyn da aita ketti.
«QR Mádeniet jáne sport ministrligi men Bilim jáne ǵylym ministrligine konverter daiyndaý týraly tapsyrma berildi. Latyn álipbiine bailanysty máselelerdi texnikalyq turǵydan qoldaityn arnaiy jumys toby qurylady. Kezeń-kezeńmen ótý kerek ekeni aityldy. Lingvistikalyq jumys toby, texnikalyq jumys toby jumys isteidi. Qoǵam daiyn. Qajet pe, qajet emes pe, Elbasy jarlyqqa qol qoidy. Osy nusqada qalai jumys isteimiz, qalai bolýy keregin talqylaýymyz kerek. Emle erejesi qaralyp jatyr. 1940 jyly buzylǵan emle erejeleri qaita qaralady», - dedi Erbol Tileshov.
