Túrkistan oblysynda karantin talaptary jeńildedi. Bul týraly Túrkistan oblysy boiynsha bas memlekettik sanitarlyq dárigerdiń jańa qaýlysynan belgili boldy, dep habarlaidy "Ult aqparat".
Túrkistan oblysynyń aýmaǵynda Sovid-19 ben virýsty pnevmoniianyń aldyn-alý maqsatynda karantin men shekteý sharalaryn uzartý týraly Túrkistan oblysynyń Bas memlekettik sanitariialyq dárigeriniń №8 Qaýlysyna ózgerister engizildi.
Atalǵan ózgeristerge sáikes, buǵan deiin tyiym salynǵan balalardyń oiyn-saýyq ortalyqtarynyń jumys isteýine ruqsat beriledi. Oiyn alańdary, jabyq úi jailardaǵy attraktsiondar keletin adamdar sany ǵimarat syiymdylyǵynyń 30%-nan nemese 50 adamnan aspaǵan jaǵdaida saǵat 09.00-den 22.00-ge deiin jumys istei alady.
Sporttyq is-sharalar onda kelýshiler sany ǵimarat syiymdylyǵyn 20%-nan aspasa, biliard, boýling jáne kompiýterlik klýbtardyń (toltyrylýy 30% artyq emes) jumys isteýine ruqsat etiledi.
Jumys ýaqyttaryna shekteý qoiylǵan azyq-túlik gipermarketter, sýpermarketter, shaǵyn marketter, úi janyndaǵy dúkender, monshalarmen saýnalar, ashyq aýadaǵy attraktsiondar, biznes-ortalyqtardyń (advokattyń, notariýstyń, býhgalterdiń jáne konsalting qyzmetteri, jyljymaityn múlik jónindegi agenttikter, jarnama agenttikteri, sot oryndaýshylary jáne t.b.), halyqtyń turýy boiynsha qyzmet kórsetý salasyndaǵy týrizm obektileri men uiymdardar (qonaq úiler, sanatoriiler, demalys úileri, týristik bazalar jáne t. b.) qalypty jaǵdaida jumys isteitin bolady.
Qoǵamdyq tamaqtaný obektileriniń jumys ýaqyty 22:00-den 24:00-ge deiin uzartyldy. Meiramhanalardyń banket zaldarynda as berýge ruqsat etildi. Degenmen toltyrýylýy 50%-ǵa deiin, 50 oryndyqtan aspaý qajet.
Buǵan deiin memlekettik organdardyń (uiymdardyń, kásiporyndardyń), kvazimemlekettik sektor organdarynyń, ulttyq kompaniialardyń, ózge de uiymdardyń, sondai-aq kásipkerlik sýbektileriniń qyzmetkerleri 50% jumys istese endi 30%-y qashyqtan isteidi.
Mádeniet obektileriniń (buryn 30) 50 adamǵa deiingi jeke, toptyq daiyndyqtar, kitaphanalardyń, murajailardyń qyzmeti, teatrlar, kinoteatrlar, kontsert zaldary, filarmoniialardyń qyzmeti tolymdylyǵy 20%-ǵa deiin bolsa, jańa Qaýlyǵa sáikes tolymdylyǵy 30% bolady.
Fitnes-ortalyqtar men sporttyq-saýyqtyrý ortalyqtarynyń qyzmeti saǵat 10.00-den 24.00-ge deiin bolady.
Sondai-aq, sportshylar men jattyqtyrýshylar quramy COVID-19-ǵa qarsy vaktsinalaýdyń tolyq kýrsyn alǵanyn qujatpen rastaǵan jaǵdaida oblystyq komandalardy daiyndaý úshin oqý-jattyǵý jiyndaryn qaita bastaýǵa ruqsat etiledi.
