2020-2021 oqý jylynyń tórtinshi toqsanynda respýblikanyń barlyq óńirlerinde balalar sanyn 25 adamnan asyrmai dástúrli formatta oqytýǵa ruqsat berildi. Bul týraly QR Bas memlekettik sanitarlyq dárigeriniń jańa qaýlysynda aitylǵan, dep habarlaidy "Ult aqparat".
Jańa qaýlyǵa sáikes «2020-2021 oqý jylynyń tórtinshi toqsanynda:
– respýblikanyń barlyq óńirlerinde: kontingenti 300 oqýshyǵa deiin qalalyq jáne aýyldyq mektepterde synyptardaǵy balalar sanyn 25 adamnan asyrmai dástúrli formatta oqytýǵa;
bilim berý uiymy ákimshiliginiń sheshimi boiynsha sabaqtan tys ýaqytta 15 adamnan aspaityn toptarda oqýshylardy jeke oqytýǵa;
– táýekeli tómen jáne ortasha aimaqtarda (jasyl jáne sary aimaqtar) ornalasqan óńirlerdegi jalpy bilim beretin mektepterde barlyq synyptardyń oqýshylary úshin synyptardaǵy balalar sanyn 25 adamnan asyrmai aralas formatta oqytýǵa;
– táýekeli joǵary aimaqta (qyzyl aimaq) ornalasqan óńirlerde:
jalpy bilim beretin mektepterde 1 synyptan bastap 5 synypty qosa alǵanda, halyqaralyq mektepterde 1 synyptan bastap 7 synypty qosa alǵanda, mektep aldy synyptarynyń oqýshylary úshin synyptardaǵy balalar sanyn 25 adamnan asyrmai aralas formatta oqytýǵa;
oqý bitiretin synyptar ( 9, 11 (12) synyptar ) úshin aptanyń 6 kúni ishinde: pánderdiń 70%-yn shtattyq rejimde, 30%-yn qashyqtyqtan aralas formatta oqytýǵa ruqsat etilmek;
Qaýlynyń tolyq mátinin myna jerden oqýǵa bolady.
Aita ketsek, mektep oqýshylarynyń kóktemgi demalysy 20-31 naýryz aralyǵynda – 12 kúnge sozylady. 4-toqsan sabaǵy 1 sáýirde bastalady.
