Nur-Sultan qalasy bas sanitar dárigeriniń jańa qaýlysy boiynsha Ashyq jobasyna qatyspaityn buqaralyq sharalarǵa qatysýǵa tyiym salyndy, dep habarlaidy QazAqparat.
«Nur-Sultan qalasynyń turǵyndary buqaralyq is-sharalarǵa, marafondar, sporttyq, otbasylyq, eske alý is-sharalardy qosa alǵanda, onyń ishinde úide banketter, úilený toilary, mereitoilar, eske alý sharasyn ótkizýge jáne olarǵa qatysýǵa, «Ashyq» jobasyna qatysatyn is-sharalardy ótkizýdi qospaǵanda, sondai-aq mitingiler, sherýler, jiyndar jáne taǵy basqa uiymdastyrýǵa jáne qatysýǵa tyiym salynsyn», - dep jazylǵan qujatta.
Sondai-aq, Ashyq jobasyna qatyspaityn, qyzmeti jańartylmaǵan nemese tyiym salynǵan nysandarǵa barýǵa shekteý saqtalady.
«Boýling-ortalyqtarǵa, kompiýterlik klýbtarǵa, PlayStation klýbtaryna, biliardqa, karaokege, batýttarǵa, túngi klýbtarǵa, býkmekerlik keńselerge jáne oiyn klýbtaryna, onyń ishinde lotereia utys oiyny, jabyq úi-jailardaǵy balalardyń oiyn-saýyq ortalyqtaryna, balalardyń oiyn bólmelerine, oiyn alańdary men attraktsiondaryna, onyń ishinde sporttyq obektilerde ornalasqandardan basqa, muzdy jáne rolikti syrǵanaqtarǵa barmaý qajet», - dep jazylǵan qaýly mátininde.
