QR Bas sanitar dárigeriniń jańa qaýlysy boiynsha, epidemiologiialyq jaǵdaidy baǵalaý matritsasyndaǵy «jasyl» jáne «sary» aimaqtaǵy óńirlerdiń bilim berý uiymdaryna kabinettik oqytý júiesine kóshýge ruqsat berildi, dep habarlaidy QazAqparat.
«Epidemiologiialyq jaǵdaidy baǵalaý matritsasyna sáikes «jasyl» jáne «sary» aimaqtarda ornalasqan óńirlerde barlyq menshik nysanyndaǵy jáne vedomstvolyq tiisti bilim berý uiymdarynda:
1) kabinettik oqytý júiesin boldyrmaýǵa;
2) maska kiiý rejimin mindetti túrde saqtaýǵa qoiylatyn talaptar alynyp tastalsyn», - delingen qaýlyda.
Alaida, bul «jasyl» jáne «sary» aimaqtaǵy bilim uiymdarynda maska rejimi múlde alynyp tastalady degen sóz emes. Maska rejiminiń qajettigi týraly sheshimdi uiymnyń basshylyǵy qabyldaýǵa quqyly.
«Maska kiiý rejimin saqtaý bilim berý uiymdary ákimshiliginiń sheshimi boiynsha erikti túrde júzege asyrylýy múmkin», - dep jazylǵan.
Al óńir epidemiologiialyq jaǵdaidy baǵalaý matritsasy boiynsha «qyzyl» aimaqqa aýysqan kezde barlyq menshik nysanyndaǵy bilim berý uiymdarynda maska kiiý rejimi qaita engizilip, kabinettik oqytý júiesine tyiym salynady. Tek zerthanalyq, praktikalyq sabaqtardy ǵana kbainettik júiede oqytýǵa bolady.
Qaýly qol qoiylǵan kúnnen bastap kúshine engen. Tolyq mátinin myna jerden kórýge bolady.
