Almaty qalasy bas sanitar dárigeriniń qaýlysymen 2-16 tamyz aralyǵynda engiziletin karantinniń talaptary bekitildi, dep habarlaidy "Ult aqparat".
Qaýlyda Ashyq jobasyna qatyspasa da, 2 tamyzdan bastap jumysyna ruqsat beriletin qoǵam tirshiligimen tyǵyz bailanysty uiymdar men kásiporyndardyń sanaty berilgen.
Olar:
- qurylys jumystary;
- ónerkásiptik kásiporyndar;
- janaspaityn qyzmet kórsetý ( kólik jýý, avtomobilderdi, turmystyq tehnikany, saǵattardy, telefondardy, kompiýterlerdi, aiaq kiimdi jóndeý, tigin atelesi, kir jýý oryndary, himiialyq tazalaý, kilt jasaý, turmystyq úi qaǵidaty boiynsha qyzmet kórsetý jáne t.b.);
- gúl dúkenderi, fotosalondar;
- týristik kompaniialar, biznes ortalyqtar, saqtandyrý kompaniialary, advokat, notariýs, býhgalter jáne konsalting qyzmetteri, jyljymaityn múlik jónindegi agenttikter, jarnama agenttikteri, sot oryndaýshylary, aiyrbastaý pýnktteri, lombardtar, bankter, «Qazposhta» AQ bólimsheleri jáne t.b.;
- qoǵamdyq tamaqtaný obektileriniń tek alyp shyǵýǵa jáne jetkizýge arnalǵan qyzmeti.
Qujattyń taǵy bir tarmaǵynda 2-16 tamyz aralyǵynda osy atalǵan sanattarǵa jatpaityn jáne Ashyq jobasyna qatyspaityn mekemelerdiń jumysy toqtatylatyny aitylǵan.
Al Ashyq jobasyna qatysatyn nysandardyń jumysy tek demalys kúnderi toqtatylady.
«Oiyn-saýyq, sporttyq jáne ózge de buqaralyq is-sharalardy, otbasylyq, eske alý sharalaryn ótkizýge tyiym salynsyn. Memlekettik organdardyń (uiymdardyń), ofisterdiń, ulttyq kompaniialar men uiymdardyń vaktsina almaǵan jáne koronavirýspen aýyrǵanyna 3 ai tolmaǵan qyzmetkerleriniń 80 paiyzy qashyqtan jumys isteý rejimin saqtasyn», - dep jazylǵan qaýlyda.
Qujat 2 tamyzdan bastap kúshine enedi. Onyń tolyq mazmunyn myna siltemeden kórýge bolady.
