Almaty qalasynyń Bas memlekettik sanitar dárigeri Jandarbek Bekshinniń jańa qaýlysy shyqty, dep habarlaidy "Ult aqparat" QazAqparat agenttigine silteme jasap.
«2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uiymdarynda shtattyq formatta oqýǵa ruqsat etilsin», – dep jazylǵan qaýlyda.
«Barlyq menshik nysanyndaǵy jáne vedomstvolyq baǵynystaǵy bilim berý uiymdarynyń basshylaryna jańa oqý jylynda mynadai saqtyq sharalaryn uiymdastyrý júktelgen:
QR Bas sanitariialyq dárigeriniń 2021 jylǵy 29 tamyzdaǵy №36 qaýlysynyń 1,2 jáne 3- qosymshalaryndaǵy talaptarynda kózdelgen sanitariialyq -epidemiiaǵa qarsy is- sharalardy saqtaýdy;
– pedagogtar men personaldyń 100% vaktsinalanýy (turaqty meditsinalyq qarsy kórsetilimderi bar adamdardy, COVID-19 aýyryp saýyqqan adamdardy saýyqqannan keiin 3 ai ishinde qospaǵanda);
– uiymǵa kirý kezinde Ashyq qosymshasyn engizý (pedagogtardy, personaldy, ata-analardy (zańdy ókilderdi), 18 jáne odan joǵary jastaǵy bilim alatyn kelýshilerdi QR-kod (check-in) boiynsha tirkeý);
– maska rejimin saqtaý;
– retsirkýliatorlardyń, sanitaizerlerdiń, teri antiseptikteriniń, dezinfektsiialaý jáne jýý quraldarynyń jetkilikti sanymen qamtamasyz etý;
– úi-jailardy jinaý jáne dezinfektsiialaý jiiligin arttyrý;
– úi-jailardy ylǵaldy jinaý jáne dezinfektsiialaý, úi-jailardyń aýasyn jeldetý jáne zararsyzdandyrý rejimine qoiylatyn talaptardy saqtaý;
– pedagogtardyń, personaldyń jáne bilim alýshylardyń kúndelikti «kirý» súzgisi (bailanyssyz termometrmen termometriia);
– buqaralyq is-sharalardy ótkizýge tyiym salý (mádeni, tárbie, synyptan tys jáne ata-analar jinalystary jáne t. b.);
– mektepke deiingi jáne orta bilim berý uiymdarynda toptar men synyptardy biriktire otyryp is-sharalar ótkizýge tyiym salý;
– zerthanalyq, praktikalyq sabaqtardy qospaǵanda, kabinettik oqytý júiesin boldyrmaý;
– bastaýysh, orta jáne joǵary synyp oqýshylaryn bólek ustaý (sabaqtyń bastalý ýaqyty boiynsha eń joǵary múmkindikti eskere otyryp) jaǵdailarynda oqytý;
– ashanadaǵy aýa retsirkýliatorlarynyń qondyrǵylarymen qamtamasyz ete otyryp, tamaqtanýdy uiymdastyrýdaǵy baqylaýdy kúsheitýdi tapsyramyn», dep atap ótilgen qaýlyda.
Qol qoiylǵan kúnnen bastap kúshine engen qujattyń tolyq mátinimen myna jerden tanysýǵa bolady.
