QR Ishki ister ministri Erlan Turǵymbaev aldaǵy josparlary týraly aityp berdi, dep xabarlaidy QazAqparat tilshisi.
«Qazir bizdiń negizgi maqsatymyz - attestatsiiany ótkizý. Osydan keiin qysqartýdyń esebinen jalaqyny kóterýimiz kerek. Sodan keiin formamen ainalysamyz. Biz úshin aldymen politseidiń jaǵdaiyn jasap alý qajet. Jańa formany artynan qarai beremiz. Eki aidan keiin attestatsiia bastalady. Oǵan jýrnalisterdi de shaqyramyz. Sol kezde bárin kórsetemiz», - dedi E.Turǵymbaev jýrnalisterge bergen suxbatynda.
Aita keteiik, Úkimettiń búgingi otyrysynda QR Prezidenti Nursultan Nazarbaevtyń «Nur Otan» partiiasynyń XVIII sezinde bergen tapsyrmalary talqyǵa salyndy.
