Eńbek jáne halyqty áleýmettik qorǵaý ministri Birjan Nurymbetov Qazaqstan halqyna adal qyzmet etýge ant berdi, dep habarlaidy "Ult aqparat".
Úkimettiń kezekti otyrysynda Berdibek Saparbaevtyń ornyna eńbek ministri bolyp taǵaiyndalǵan Birjan Nurymbetov ant berdi.
"Qazaqstan halqy men prezidenti aldynda óz Otanym Qazaqstan Respýblikasynyń ekonomikalyq jáne rýhani damý isine barlyq kúsh-jigerim men bilimimdi jumsaýǵa, memlekettiń Konstitýtsiiasy men zańdaryn qatań saqtaýǵa, ózimniń barlyq is-áreketimde zańdylyq pen ádilettik, azamattyq, ultaralyq jáne konfessiiaaralyq tatýlyq printsipterin ustanýǵa, Qazaqstan halqyna adal qyzmet etýge, óz elimniń memlekettiligi men dúniejúzilik qoǵamdastyqtaǵy bedelin nyǵaita berýge saltanatty túrde ant beremin", - dedi ministr.
Aita ketsek, prezident jarlyǵymen 20 tamyzda Birjan Nurymbetov eńbek jáne halyqty áleýmettik qorǵaý ministri bolyp taǵaiyndaldy.
Buǵan deiin bul ministrlikti Berdibek Saparbaev basqarǵan bolatyn. Saparbaev úkimet basshysynyń orynbasary boldy.
