Bilim jáne ǵylym ministri Kúlásh Shámshidinova úshtildilikke qatysty oiyn aitty, dep habarlaidy Sputnik Qazaqstan tilshisi.
"Zaman talabyna sai, balalarymyz, eń birinshi, óz ana tilin, qazaq tilin bilýi kerek. Sebebi, qazaq tilin biz tek Qazaqstanda ǵana damyta alamyz. Ekinshiden, jalpy integratsiialaný úshin, basqa kórshi memlekettermen jumys isteý úshin bizge orys tili men aǵylshyn tili qajet. Mine, osy jaǵdaiǵa bailanysty qazir mektepterde pánder qazaq, orys jáne aǵylshyn tilinde oqytylyp jatyr", - dedi Shámshidinova úkimet kýlýarynda.
Ministr mektepter pánderdi aǵylshyn tilinde oqytýǵa birtindep kóshetinin atap ótti.
"Árine, eldiń bárin kóp tolǵandyryp, kóp shýlatqan másele – ol pánderdi aǵylshyn tilinde oqytý. Osyǵan bailanysty ministrlik qazir kadrlardyń daiyndyǵyna qarai birtindep kóshýdi qarastyryp otyr", - dedi ol.
Onyń aitýynsha, 2016 jyly joǵary oqý oryndarynda aǵylshyn tilinde sabaq beretin muǵalimderdi daiarlaýǵa memlekettik tapsyrys berilgen.
"Sol tapsyryspen bolashaq muǵalimder kelesi jyldan bastap ýniversitterdiń qabyrǵalarynan shyǵa bastaidy. Sondyqtan da balalardy aǵylshyn tilinde oqytý máselesi kezeń-kezeńmen, kadrlardyń jáne mektepterdiń daiyndyǵyna bailanysty mektepterdiń qalaýymen birtindep engiziledi. Biz qazir 15 mektep nemese 20 mektep engizsin degen talap qoiyp otyrǵan joqpyz", - dedi Shámshidinova.
