Bilim jáne ǵylym ministri Ashat Aimaǵambetov Ulttyq biryńǵai testileýdi tapsyrǵaly otyrǵan túlekterge birqatar keńes berdi, dep habarlaidy QazAqparat tilshisi.
«Balasy atqa minse, ata-anasy taqymyn qysyp otyrady. Sondyqtan, balalar úlken emtihan tapsyratyn kezde ata-analar qatty qobaljidy. Kei ýaqytta balalardan buryn ata-anasy qatty ýaiymǵa batyp jatady. Sol sebepti ata-analar óz balasyna senýi kerek. Bul - kádimgi emtihan. Jańa ǵana atap ótkenimdei, bul emtihannyń alǵashqy kezeńderi qańtar jáne naýryz ailarynda ótip, oǵan 115 myń bala qatysty. Sol pýnktilerge bardy. Olar telefondy tunshyqtyratyn qurylǵylardyń baryn biledi, aýditoriialardy kórdi. Jalpy, psihologiialyq daiyndyq deńgeii jaman emes degen oidamyn. Sondyqtan, ata-analar óz balasy úshin qobaljymai, oǵan kerisinshe kómektesip, qoldaý kórsetip, jigerlendirgeni abzal», - dedi Ashat Aimaǵambetov Úkimettiń baspasóz ortalyǵynda.
Ministr sonymen qatar, Ulttyq biryńǵai testileýdi tapsyrǵaly otyrǵan túlekterge aqylyn aitty.
«Túlekter men ata-analarǵa aitarym: eń bastysy - ýaiymdamaý kerek. Adam ózimen birge «shpargalka» nemese uialy telefon alyp júrse, eń aldymen, óziniń mazasy ketedi. Eń birinshiden, «aýditoriiaǵa ony qalai kirgizem» dep basy qatady. Sodan keiin «meni baiqap qalmas úshin ony qalai paidalansam bolady» dep miy ashidy. Ol da ýaiym. Mundai oilar eshqashan sergýge kómektespeidi. Sol sebepti, meniń oiymsha, ózińe sengen durys. Test boiynsha emes, baǵdarlamalyq materialmen daiyndalǵan abzal. Sebebi, bul óte mańyzdy. Óz tájiribem boiynsha bilemin. Barlyq ata-analar men mektep túlekterine sáttilik tileimin», - dedi Ashat Aimaǵambetov.
Aita keteiik, elimizde 20-30 maýsym aralyǵynda Ulttyq biryńǵai testileý ótedi.
