بٸلٸم جەنە عىلىم مينيسترٸ اسحات ايماعامبەتوۆ ۇلتتىق بٸرىڭعاي تەستٸلەۋدٸ تاپسىرعالى وتىرعان تٷلەكتەرگە بٸرقاتار كەڭەس بەردٸ, دەپ حابارلايدى قازاقپارات تٸلشٸسٸ.
«بالاسى اتقا مٸنسە, اتا-اناسى تاقىمىن قىسىپ وتىرادى. سوندىقتان, بالالار ٷلكەن ەمتيحان تاپسىراتىن كەزدە اتا-انالار قاتتى قوبالجيدى. كەي ۋاقىتتا بالالاردان بۇرىن اتا-اناسى قاتتى ۋايىمعا باتىپ جاتادى. سول سەبەپتٸ اتا-انالار ٶز بالاسىنا سەنۋٸ كەرەك. بۇل - كەدٸمگٸ ەمتيحان. جاڭا عانا اتاپ ٶتكەنٸمدەي, بۇل ەمتيحاننىڭ العاشقى كەزەڭدەرٸ قاڭتار جەنە ناۋرىز ايلارىندا ٶتٸپ, وعان 115 مىڭ بالا قاتىستى. سول پۋنكتٸلەرگە باردى. ولار تەلەفوندى تۇنشىقتىراتىن قۇرىلعىلاردىڭ بارىن بٸلەدٸ, اۋديتورييالاردى كٶردٸ. جالپى, پسيحولوگييالىق دايىندىق دەڭگەيٸ جامان ەمەس دەگەن ويدامىن. سوندىقتان, اتا-انالار ٶز بالاسى ٷشٸن قوبالجىماي, وعان كەرٸسٸنشە كٶمەكتەسٸپ, قولداۋ كٶرسەتٸپ, جٸگەرلەندٸرگەنٸ ابزال», - دەدٸ اسحات ايماعامبەتوۆ ٷكٸمەتتٸڭ باسپاسٶز ورتالىعىندا.
مينيستر سونىمەن قاتار, ۇلتتىق بٸرىڭعاي تەستٸلەۋدٸ تاپسىرعالى وتىرعان تٷلەكتەرگە اقىلىن ايتتى.
«تٷلەكتەر مەن اتا-انالارعا ايتارىم: ەڭ باستىسى - ۋايىمداماۋ كەرەك. ادام ٶزٸمەن بٸرگە «شپارگالكا» نەمەسە ۇيالى تەلەفون الىپ جٷرسە, ەڭ الدىمەن, ٶزٸنٸڭ مازاسى كەتەدٸ. ەڭ بٸرٸنشٸدەن, «اۋديتوريياعا ونى قالاي كٸرگٸزەم» دەپ باسى قاتادى. سودان كەيٸن «مەنٸ بايقاپ قالماس ٷشٸن ونى قالاي پايدالانسام بولادى» دەپ ميى اشيدى. ول دا ۋايىم. مۇنداي ويلار ەشقاشان سەرگۋگە كٶمەكتەسپەيدٸ. سول سەبەپتٸ, مەنٸڭ ويىمشا, ٶزٸڭە سەنگەن دۇرىس. تەست بويىنشا ەمەس, باعدارلامالىق ماتەريالمەن دايىندالعان ابزال. سەبەبٸ, بۇل ٶتە ماڭىزدى. ٶز تەجٸريبەم بويىنشا بٸلەمٸن. بارلىق اتا-انالار مەن مەكتەپ تٷلەكتەرٸنە سەتتٸلٸك تٸلەيمٸن», - دەدٸ اسحات ايماعامبەتوۆ.
ايتا كەتەيٸك, ەلٸمٸزدە 20-30 ماۋسىم ارالىعىندا ۇلتتىق بٸرىڭعاي تەستٸلەۋ ٶتەدٸ.
