QR Investitsiialar jáne damý ministri Jeńis Qasymbek Air Astana bazasynda qurylǵan jańa áýe kompaniiasynda biletterdiń baǵasy arzan bolatynyn jetkizdi.
Úkimet otyrysynan shyqqan Jeńis Qasymbek Air Astana bazasynda qurylǵan jańa áýe kompaniiasyna qatysty óz pikirin bildirdi.
«Ótken aptada Memleket basshysy Air Astana kompaniiasynyń basshylyǵy men «Samruq-Qazyna» ál-aýqat qorynyń táýelsiz direktoryn qabyldady. Osy kezdesýde Memlekett basshysy Air Astana bazasynda biýdjettik áýe kompaniiasyn qurý týraly tapsyrma bergen. Keler jyldyń mamyr aiynda atalǵan kompaniia óz jumysyn bastaidy. Jańa kompaniiany qurý týraly sheshim Air Astana áýekompaniiasynyń direktorlar keńesinde qabyldandy», - dedi ol.
Osy oraida ministr jańa biýjettik áýe kompaniiasyn qurý álemdik praktikada ekenin atap ótti. Onyń aitýynsha, álemdegi iri Lufthansa, British Airways, Aeroflot syndy áýe kompaniialardyń biýdjettik bólimsheleri bar.
Sonymen qatar Jeńis Qasymbek jańa áýe kompaniiasynyń enshisinde jańa ushaqtar bolatynyn jetkizdi.
Aldaǵy jyly Air Astana 8 ushaq satyp alýdy josparlap otyr. Ol Airbus A 320 jáne basqa da markaly ushaqtar. Tek onda oryndyqtardyń sany az bolady. Ol jańadan qurylǵan áýekompaniiasynyń enshisinde bolady», - dep túiindedi sózin ministr.
«Jańadan qurylǵan áýe kompaniiasy ishki baǵytqa qyzmet kórsetedi. Eger kompaniia damysa, halyqaralyq deńgeige shyǵarý máselesi qaralady. Jańa áýe kompaniiasy qandai baǵyttarǵa qyzmet kórsetetin aldaǵy ýaqytta sheshiledi», - dedi vedomstvo basshysy.
Sóz sońynda ministr atalǵan áýe kompaniiasynda biletterdiń baǵasy artarlyqtai arzan bolatynyn jetkizdi.
«Biz atalǵan áýe kompaniiasynda qyzmet kórsetý baǵasy aitarlyqtai arzan bolady dep otyrmyz. Air Astana bergen málimetke sáikes, qazirgi tańda «Almaty-Astana» baǵytyndaǵy bilettiń quny 32 000-34 000 teńge. Al jańa áýe kompaniiasynda atalǵan baǵyttaǵy bilettiń baǵasy 16 000 – 18 000 teńge bolmaq. Sonymen qatar úkimetten sýbsidiia jańa áýekompaniiasyna berilmeidi», - dedi ol.
Osyǵan deiin elimizde qurylǵan jańa áýekompaniianyń ataýy belgili bolǵanyn habarlaǵanbyz.
Jańa FlyArystan áýekompaniiasy Air Astana qazaqstandyq áýe tasymaldaýshysynyń bólimshesi bolyp esepteledi.
