Foto: wirestock/Freepik
Sinoptikter 31 qazan - 2 qarasha aralyǵynda aýa raiy qandai bolatyny týraly boljam jasady, - dep habarlaidy "Ult aqparat".
"Ótken apta elimizdiń soltústik aimaqtarynda shynymen qys mezgili baiqaldy, qar jaýdy, aýanyń ortasha táýliktik temperatýrasy nóldik belgiden tómen boldy. Alaida jańa aptada sinoptikalyq jaǵdai ózgeredi. Atlantikalyq tsiklondar qatary jylý ákeledi, aýa temperatýrasynyń qysqa merzimdi tómendeýinen keiin jańbyr men qar túrindegi jaýyn-shashyn bolady. Tek respýblikanyń batysynda negizinen jaýyn-shashynsyz aýa-raiy boljanady" - delingen habarlamada.
Meteorologtar málimetinshe, kúndizgi aýa temperatýrasy batysta 12-20 gradýs jylyǵa deiin, soltústikte jáne ortalyqta 5-10 gradýs jylyǵa deiin, al elimizdiń shyǵysy men ońtústiginde sýyq fronttyń ótýimen túnde 0-5 gradýs jylyǵa deiin, taýly jáne taý bókterindegi aýdandarda 2-7 gradýs aiazǵa deiin, kúndiz 10-15 gradýs, taýly jáne taý bókterindegi aýdandarda 0-5 gradýs jylyǵa deiin tómendeidi dep kútilýde.
