31 tamyz kúni Almatydaǵy Kók-Tóbe alańynda «Jańa adamdar» qozǵalysy «Jańa yrǵaq ber!» atty barabandar festivalin ótkizdi. Bir yrǵaqta tynystaǵan mýzykanttar barabandar, darbýka, dram-pad jáne túrli perkýssiialyq aspaptarmen jinaldy. Kók-Tóbege kelgen qonaqtar tek óner kórsetýdi tamashalap qana qoimai, belsendilermen birge jańa yrǵaq berip, ózgerister árqaisymyzdan bastalatynyn kórsetti.
Festivaldiń sharyqtaý shegi — 200 belsendiniń qatysýymen ótken úlken baraban shoýy boldy. Barabandardyń yrǵaqtary, breik-danserlerdiń bii jáne kórermenderdiń qoldaýy barlyǵyn bir yrǵaqta toǵystyrdy. Dál osy óner kórsetilim jańa azamattyq naýqannyń — «Jańa yrǵaq ber!» bastalýyna túrtki boldy. Onyń maqsaty — mýzyka men energiia arqyly ózgerister bizden bastalatynyn eske salý. Barabandardyń úni jańa mádeniettiń — jasampazdyq, jaýapkershilik pen alǵa umtylýdyń simvolyna ainaldy.
Is-sharanyń mańyzdy bóligi — Qazaqstan brendtik fýtbolkalarynyń tanystyrylymy. Bul merch — jańa dúnietanymnyń vizýaldy manifesi, onda jeke «Men» men Qazaqstan arasynda shekara joq. Ony kigen adam: «Elimde bolyp jatqannyń bári maǵan qatysty. Óz ómirimdi ózgertetin basqa bireýdi kútpeimin — bolashaǵyma ózim jaýaptymyn. Meniń tańdaýym, sózim jáne is-áreketterim eldiń mádenietin qalyptastyrady jáne bolashaǵyn aiqyndaidy. Men — Qazaqstanmyn. Shyndyqty men quramyn, oǵan beiimdelmeimin» dep málimdeidi.
Arýjan Úsenova, «Jańa adamdar»: Biz «Jańa yrǵaq ber!» naýqanyn bastadyq, sebebi ózgerister aiqaily urandardan emes, shaǵyn qadamdardan bastalady. Mýzyka bizge bir yrǵaqta bolyp, birge alǵa jyljýǵa bolatynyn sezdiredi. Maqsatymyz — osyndai bastamalardyń Qazaqstanda jaýapkershilik pen jasampazdyq mádenietin qalyptastyratynyn kórsetý. Eger ózgeristerdi kórgimiz kelse, biz ózimiz bastamashy bolýymyz kerek. Elde bolyp jatqannyń bári bizge qatysty.
Maiia Temirhan, «Jańa adamdar»: Biz árbir adamnyń jańa yrǵaq bere alatynyna senemiz — óziniń ómirine de, eline de. Festivalimiz kórsetti: adamdar birigip, bolashaqty ózgertetin kúshke ainalady.
Baýyrjan Amanov, «Jańa adamdar»: Eger ózgeristerdi kórgimiz kelse, biz ózimiz bastamashy bolýymyz kerek. «Jańa yrǵaq ber» — bul kútý emes, áreket arqyly jaýapkershilik pen jasampazdyqtyń bastalatynyn kórsetýdiń tásili.
Alpamys Ábilov, «Jańa adamdar»: Ár tańdaý, ár sóz jáne ár áreket eldiń mádenietin jáne bolashaǵyn qalyptastyrady. Bizdiń jańa merchti alǵash ret osy festivalde tanystyrdyq — Qazaqstan fýtbolkalary! Bul — jeke «Men» men Qazaqstannyń arasyndaǵy shekaranyń joǵyn bildiretin vizýaldy manifest. Fýtbolkany kigen adam: «Elde bolyp jatqannyń bári maǵan qatysty. Men syrttan ózgerister kútpeimin, kináli izdemeimin — ómirime ózim jaýaptymyn. Men — Qazaqstanmyn!» deidi.
Nurai Ómirzaq, «Jańa adamdar»: Festivalde «Jańa yrǵaq ber» jańa azamattyq naýqanynyń bastalýy — ózgerister energiiasynyń árqaisymyzdyń ishimizde bar ekenin aiqyn kórsetti. 200 adam jinalyp, bir yrǵaq berdi — bul ózimizden bastaýǵa shaqyrý boldy. Baraban úni jai ǵana áýen emes, ol — jaýapkershilikke, erkindikke jáne adaldyqqa daiyn qoǵamnyń daýysy. Biz árbir adamnyń sezinýin qalaimyz: bizdiń áreketterimiz, isterimiz jáne sózderimiz eldiń bolashaǵyn shynymen qalyptastyrady. Búgingi yrǵaq — elimizdi qurýda ári qarai da estiletin bolady, óitkeni men — Qazaqstanmyn.
Nariman Sultan, «Jańa adamdar»: 200 adam baraban soqqanda — erekshe atmosfera paida bolady. Bir yrǵaqqa qosylyp, ózgeristerdi ózińnen bastaý — umytylmas sát.
