17 qazanda Germaniianyń Diýsseldorf qalasynda kásibi boks keshi ótedi. Onda qazaqstandyq aýyr salmaqtaǵy nokaýtshy Jan Kosobýtskii (14-0, 13 KO) de óner kórsetedi, dep habarlaidy Sports.kz.
BoxRec.com saitynyń aqparaty boiynsha 31 jastaǵy Jannyń qarsylasy 43 jastaǵy amerikalyq Stiv Výkos (12-1, 4 KO). Eki boksshy Kosobýtskiige tiesili aýyr salmaqtaǵy IBO Inter-Continental chempiony ataǵyna talasady.
Aita keteiik, Výkos WBC (UNSBC) nusqasy boiynsha AQSh chempiony belbeýine ie, alaida BoxRec-tegi jekpe-jek profilinde bul ataq kórsetilmegen.
Buǵan deiin Kosobýtskiidiń komandasy basqa amerikalyq boksshy, 30 jastaǵy Djeims Makkenzi Morrisonmen (17-0-2, 15 KO) kelissózder júrgizip jatqandyǵy týraly habarlanǵan bolatyn.
Qazaqstandyqtyń buǵan deiingi jekpe-jegi 4 tamyzda Minskide (Belarýs) ótip, onynshy raýndta poliak Kamil Sokolovskiidi (9-19-2, 3 KO) nokaýtqa túsirgen edi.
