17 قازاندا گەرمانييانىڭ ديۋسسەلدورف قالاسىندا كەسٸبي بوكس كەشٸ ٶتەدٸ. وندا قازاقستاندىق اۋىر سالماقتاعى نوكاۋتشى جان كوسوبۋتسكيي (14-0, 13 كو) دە ٶنەر كٶرسەتەدٸ, دەپ حابارلايدى Sports.kz.
BoxRec.com سايتىنىڭ اقپاراتى بويىنشا 31 جاستاعى جاننىڭ قارسىلاسى 43 جاستاعى امەريكالىق ستيۆ ۆۋكوس (12-1, 4 كو). ەكٸ بوكسشى كوسوبۋتسكييگە تيەسٸلٸ اۋىر سالماقتاعى IBO Inter-Continental چەمپيونى اتاعىنا تالاسادى.
ايتا كەتەيٸك, ۆۋكوس WBC (UNSBC) نۇسقاسى بويىنشا اقش چەمپيونى بەلبەۋٸنە يە, الايدا BoxRec-تەگٸ جەكپە-جەك پروفيلٸندە بۇل اتاق كٶرسەتٸلمەگەن.
بۇعان دەيٸن كوسوبۋتسكييدٸڭ كومانداسى باسقا امەريكالىق بوكسشى, 30 جاستاعى دجەيمس ماككەنزي مورريسونمەن (17-0-2, 15 كو) كەلٸسسٶزدەر جٷرگٸزٸپ جاتقاندىعى تۋرالى حابارلانعان بولاتىن.
قازاقستاندىقتىڭ بۇعان دەيٸنگٸ جەكپە-جەگٸ 4 تامىزدا مينسكٸدە (بەلارۋس) ٶتٸپ, ونىنشى راۋندتا پولياك كاميل سوكولوۆسكييدٸ (9-19-2, 3 كو) نوكاۋتقا تٷسٸرگەن ەدٸ.
