Jambyl oblysyndaǵy vaktsina óndirý zaýytynyń búgingi jumysy týraly Biologiialyq qaýipsizdik problemalarynyń ǵylymi-zertteý institýtynyń bas direktory, koronavirýsqa qarsy QazVac qazaqstandyq vaktsinanyń avtory Kúnsulý Zakariia aityp berdi, dep habarlaidy QazAqparat.
«Zaýyt jumysyna qatysty suraq jii qoiylady. Búginde Jambyl oblysyndaǵy vaktsina zaýytynyń testileý rejiminde jumys istep turǵanyna 2 ai boldy. Shilde de validatsiialyq protsester bastaldy. Ol degenimiz zaýyttyń tehnikalyq turǵydan óndiris talaptaryna sai jumys isteýi. Iaǵni kásiporyndaǵy barlyq qyzmet tehnikalyq talaptarǵa sai jumys isteýi tiis. Zaýyttyń halyqaralyq sertifikat alýy úshin ýaqyt pen kóp eńbek talap etilip otyr. Búginde GMP ulttyq sertifikatyn aldyq, endi halyqaralyq sertifikatty alý kerek», - dedi Kúnsulý Zakariia OKQ-de ótken baspasóz máslihatynda.
Buǵan deiin institýt basshysy otandyq QazVac vaktsinany úsh kezeń boiynsha klinikalyq zertteýdiń aiaqtalǵanyn málim etti.
«Búginde úshinshi kezeń boiynsha barlyq klinikalyq zertteý aiaqtalyp, 9 shilde kúni sońǵy taldaý nátijesi alyndy. Shildeniń sońyna deiin taldaý nátijesi taǵy bir óńdelip, málimetterdiń statistikasy jasaldy. Bul jumysqa 3 myń adam qatysyp otyr. Sondai-aq, shildeniń sońynda klinikalyq zertteýdiń qorytyndy esebi ázirlendi. Qazirgi kúni qorytyndy esep Dárilik zattar men meditsinalyq buiymdardy saraptaý ulttyq ortalyǵynyń saraptaýynan ótip jatyr, onyń nátijesi áli kelgen joq. Degenmen bizdiń ázirlegen esepke qarap, alǵash otandyq vaktsinany klinikalyq zertteý sátti júrgizildi dep aitýǵa bolady», - dedi ol.
