Jambyl oblysynda poiyz astyna túsip mert bolǵan jumysshylardyń otbasyna kómek kórsetiledi. Bul týraly «Qazaqstan temir joly» UK Qazynashylyq departamentiniń direktory - qarjylyq baqylaýshysy Sholpan Omarbekova aitty, dep habarlaidy "Ult aqparat".
«Bul másele qazirgi ýaqytta zerdelenip jatyr. Kompaniiada jáne jalpy salada qabyldanǵan erejeler men qujattarda belgilengen tártippen sheshim qabyldanady. Negizinde kompaniia qozǵalys qaýipsizdigine erekshe mán beredi. Munan bólek, óz qyzmetkerlerine jáne temir jolmen tyǵyz bailanysty óńirdiń klimatyn qoldaýǵa airyqsha nazar aýdarady. Sondyqtan kompaniia qoldaý úshin barlyq sharalardy qabyldaidy», - dedi ol búgin Ortalyq kommýnikatsiialar qyzmetindegi baspasóz máslihatynda BAQ ókilderiniń temir jol boiynda 2 temirjolshynyń qaza tabýyna qatysty saýalǵa jaýap bere kele.
Esterińizge sala ketsek, Jambyl oblysynyń Bel stantsiiasyna jaqyn mańda temirjoldyń boiynda júrgen jumysshylardy «Almaty-Aqtóbe» baǵytyna qatynaityn jolaýshylar poiyzy qaǵyp ketti. Saldarynan temirjolshylar alǵan jaraqatynan sol jerde kóz jumdy.
