Jambyl oblysy Jambyl aýdanynda jeke sharýa qojalyqtyń qorasy órtenip, 90 bas mal órtenip ketti, dep habarlaidy "Ult aqparat".
Oqys oqiǵa 11 tamyz kúni bolǵan. Bul týraly oblystyq Tótenshe jaǵdailar departamentiniń baspasóz qyzmeti málimdedi.
«Saǵat túngi 23:46-da Jambyl aýdany, Qońyrtóbe aýylynyń shetinde «Ǵalymjan» sharýa qojalyǵy aýmaǵynda sharýashylyq qurylystary men shóp qorasy otqa orandy. Sonyń saldarynan 200 tonna shóp órtenip jáne 90 bas mal janyp ketti. Onyń 67-si siyr, 5-ýi jylqy jáne 18-i qoi», - delingen habarlamada.
Qazirgi tańda órtiń sebebi anyqtalyp jatyr.
Órt saǵat 03:34-te oqshaýlanyp, saǵat 07:04-te sóndirilgen. Sóndirý jumystaryna 37 qyzmetker jáne 8 tehnika jumyldyrylǵan.
