Jambyl oblysynda 12 mamyr kúni saǵat 15.50 shamasynda «Batys Eýropa-Batys Qytai» respýblikalyq mańyzy bar avtojolynyń 571-shaqyrymynda jol-kólik oqiǵasy boldy, - dep habarlaidy QazAqparat.
Aldyn ala boljam boiynsha kún raiynyń nasharlaýyna bailanysty (jańbyr men burshaq) jolaýshylar tasymaldaityn avtobýstyń júrgizýshisi rýlge ie bola almai, bir baǵytta kele jatqan traktordyń tirkemesine soǵylǵan.
Jol-kólik oqiǵasy saldarynan avtobýs júrgizýshisiniń kómekshisi men jolaýshysy oqiǵa ornynda qaza tapty, aýrýhanaǵa 33 adam qaralyp, olardyń úsheýi jansaqtaý bólimine jatqyzyldy.
«Atalǵan derek boiynsha QR QK 345-baby 4-bóligimen (kólik quralyn basqaratyn adamnyń abaisyzda eki nemese odan da kóp adamnyń ólimine ákep soqqan jol júrisi nemese kólik quraldaryn paidalaný qaǵidalaryn buzýy) boiynsha sotqa deiingi tergeý amaldary bastaldy. Qajetti saraptamalar taǵaiyndaldy», - delingen politsiia departamentiniń habarlamasynda.
