جامبىل وبلىسىندا 12 مامىر كٷنٸ ساعات 15.50 شاماسىندا «باتىس ەۋروپا-باتىس قىتاي» رەسپۋبليكالىق ماڭىزى بار اۆتوجولىنىڭ 571-شاقىرىمىندا جول-كٶلٸك وقيعاسى بولدى, - دەپ حابارلايدى قازاقپارات.
الدىن الا بولجام بويىنشا كٷن رايىنىڭ ناشارلاۋىنا بايلانىستى (جاڭبىر مەن بۇرشاق) جولاۋشىلار تاسىمالدايتىن اۆتوبۋستىڭ جٷرگٸزۋشٸسٸ رۋلگە يە بولا الماي, بٸر باعىتتا كەلە جاتقان تراكتوردىڭ تٸركەمەسٸنە سوعىلعان.
جول-كٶلٸك وقيعاسى سالدارىنان اۆتوبۋس جٷرگٸزۋشٸسٸنٸڭ كٶمەكشٸسٸ مەن جولاۋشىسى وقيعا ورنىندا قازا تاپتى, اۋرۋحاناعا 33 ادام قارالىپ, ولاردىڭ ٷشەۋٸ جانساقتاۋ بٶلٸمٸنە جاتقىزىلدى.
«اتالعان دەرەك بويىنشا قر قك 345-بابى 4-بٶلٸگٸمەن (كٶلٸك قۇرالىن باسقاراتىن ادامنىڭ ابايسىزدا ەكٸ نەمەسە ودان دا كٶپ ادامنىڭ ٶلٸمٸنە ەكەپ سوققان جول جٷرٸسٸ نەمەسە كٶلٸك قۇرالدارىن پايدالانۋ قاعيدالارىن بۇزۋى) بويىنشا سوتقا دەيٸنگٸ تەرگەۋ امالدارى باستالدى. قاجەتتٸ ساراپتامالار تاعايىندالدى», - دەلٸنگەن پوليتسييا دەپارتامەنتٸنٸڭ حابارلاماسىندا.
