Jambyl oblysynyń 79 jastaǵy turǵyny koronavirýsty jeńip shyqty, dep habarlaidy "Ult aqparat".
Jýaly aýdany Qairat aýylynyń 79 jastaǵy turǵyny koronavirýs belgileri boiynsha jedel járdemmen Jambyl oblystyq kópbeiindi balalar aýrýhanasyna jetkizilgen.
Qabyldaý barysynda naýqastyń jaǵdaiy óte aýyr bolǵan. Dene qyzýy 38,5 gradýsqa deiin kóterilip, tynys alý qiyndap, saýsaqtary men erinderi kógerip, ottegi satýratsiiasy — 89 paiyzdy quraǵan.
Meditsinalyq tekserý kezinde Amanjol Dúráliulynda aýyr dárejeli COVID-19, eki jaqty virýstyq pnevmoniia, tynys alý jetkiliksizdiginiń úshinshi satysy anyqtalǵan.
Aqsaqaldyń qosymsha sozylmaly aýrýlar bar. Atap aitsaq, júrektiń ishemiialyq aýrýy, ishemiialyq kardiomiopatiia, júrek jetkiliksizdigi jáne úshinshi satydaǵy gipertenziia. 2019 jyly ol jedel miokard infarktisin bastan ótkergen. Táýekel toby óte joǵary.
«Qariia eki kún jansaqtaý bóliminde bolyp, ÓJJ apparatyna qosylǵan. Dárigerlerdiń naqty jáne úilesimdi áreketiniń arqasynda ol virýsty jeńip, tolyq aiyǵyp, aýrýhanadan shyǵaryldy.
Amanjol ata meditsina qyzmetkerlerine rizashylyǵyn jetkizip, densaýlyq, uzaq ǵumyr tiledi.
«Alla sizderdiń igi isterińiz ben adal eńbekterińizdi eselep qaitarsyn. Otbasylaryńyz aman, elimiz tynysh bolsyn», - dedi ol.
