Jambylda 22 jasar jigit ózara janjal kezinde myltyqpen 5 jigitti atyp ketti, - dep habarlaidy "Ult aqparat".
Jambyl oblysy Sarysý aýdanynyń ortalyq aýdandyq aýrýhanasyna 20, 22 jáne 24 jastaǵy 5 turǵyny oq jaraqatymen jetkizilgen. Bul týraly aýdandyq politsiia bólimine habarlama túsken.
Janjal buzaqylyq nietten týyndaǵany anyqtaldy, kúdikti joǵaryda atalǵan adamdarǵa myltyqtan birneshe ret oq atqan.
«Atalǵan derekke qatysty QR QK-niń 24-babynyń 3-99-bóligi 2,1,9 – tarmaqshalary boiynsha (eki jáne odan da kóp adamǵa qatysty buzaqylyq nietpen jasalǵan kisi óltirýge oqtalý) sotqa deiingi tergeý bastaldy. Jedel-izdestirý sharalaryn júrgizý barysynda politsiia qyzmetkerleri 22 jastaǵy kúdiktini anyqtap, qolǵa túsirdi. Ustalǵan azamat óz kinásin tolyq moiyndap, ýaqytsha ustaý izoliatoryna qamaýǵa alyndy. Barlyq tiisti saraptamalar taǵaiyndaldy. Zattai dáleldemeler tárkilendi», - delingen oblystyq politsiia departamenti baspasóz qyzmetiniń habarlamasynda.
