Foto: gov.kz
Jambyl oblysyndaǵy shekara zastavalarynyń birinde 19 jastaǵy áskerge shaqyrylǵan sarbaz avtomatty urlap alyp, oq jaýdyrǵan. Qurbandar men zardap shekkender týraly málimet joq, - dep habarlaidy Massaget.kz portaly KTK telearnasyna silteme jasap.
Telearna málimetinshe, oqiǵa Jýaly aýdanynda 18 jeltoqsanǵa qaraǵan túni bolǵan. Atys dybysyn túngi saǵat úshter shamasynda jaqyn mańdaǵy Alataý aýylynyń turǵyndary estigen. Olar dabyl qaqqan.
Shyn máninde ne bolǵany jáne sarbazdyń qazir qaida ekeni belgisiz. Vedomstvo bul oqiǵaǵa qatysty túsinikteme bermedi. Áskerge shaqyrylýshynyń ústinen atys qarýyn urlaǵany úshin is qozǵalǵany ǵana belgili.
"Atalǵan fakt boiynsha QR IIM Ońtústik óńirlik áskeri tergeý basqarmasynyń Taraz qalalyq basqarmasy QR Qylmystyq kodeksiniń 291-baby boiynsha sotaldy tergeý amaldaryn bastady", - delingen áskeri prokýratýranyń habarlamasynda.
